ماڭعىستاۋدا مەكتەپ وقۋشىسى 200 مىڭ دوللارلىق ءبىلىم گرانتىنا يە بولدى

اقتاۋ. KAZINFORM - اقتاۋداعى №13 گيمنازيانىڭ 11-سىنىپ وقۋشىسى ديليارا ساپار شاڭحايداعى نيۋ- يورك ۋنيۆەرسيتەتىنىڭ (قىتاي مەن نيۋ- يورك ۋنيۆەرسيتەتى اراسىنداعى ىنتىماقتاستىقتا قۇرىلعان العاشقى حالىقارالىق قىتاي- امەريكان ۋنيۆەرسيتەتى) گرانتىنا قول جەتكىزدى.

ءوڭىردىڭ ءبىلىم باسقارماسىنىڭ مالىمەتىنشە، اقتاۋلىق ءجاسوسپىرىم ۇزدىك اتتەستاتقا ۇمىتكەر اتانعان. ول شەتەلدىك وقۋ وردالارىنىڭ ءبىلىم گرانتىنا ۇمىتكەر رەتىندە ءوز مۇمكىندىگىن سىناپ كورۋ كەزىندە الەۋەتىن تولىق كورسەتە الدى.

نيۋ- يورك ۋنيۆەرسيتەتى الەمدە بەدەلدى Times Higher Education University Rankings بويىنشا 30-ورىندا تۇرعان دەڭگەيى جوعارى وقۋ ورنى سانالادى.

ۋنيۆەرسيتەت 19 ءتۇرلى ماماندىقتى وقىتاتىن بولسا، اقتاۋلىق وقۋشى ديليارا ساپار بيزنەس جانە ەكونوميكا سالاسىن تاڭداپ وتىر.

سونداي- اق، گرانت سوماسى 208.000 ا ق ش دوللار دوللارىن قۇرايدى. ايتا كەتەتىن جايت، ۋنيۆەرسيتەتكە بيىل 50 مىڭعا جۋىق ۇمىتكەر قۇجات تاپسىرعان. ال باكالاۆر بويىنشا تەك 1400 ستۋدەنت وقۋعا قابىلدانادى.

ولاردىڭ جارتىسى قىتاي ەلىنەن بولسا، قالعان بولىگى امەريكا قۇراما شتاتتارىنان جانە 70 كە جۋىعى وزگە ەلدەردەن كەلىپ وقيدى.

اۆتور

جانكەلدى قارجان