ماڭعىستاۋدا ۋلانعان وقۋشىلاردىڭ سانى 67 گە جەتتى

اقتاۋ. KAZINFORM - اتالعان جاعدايعا بايلانىستى قۇزىرلى ورگان وكىلدەرىمەن بىرلەسكەن ارنايى شتاب قۇرىلدى.

ماڭعىستاۋ وبلىسى اكىمىنىڭ ورىنباسارى زۆيرا ەسبەرگەنوۆا اۋرۋحاناعا بارىپ، وقۋشىلاردىڭ جاعدايىمەن تانىستى. بالالاردىڭ دەنساۋلىعىنىڭ جاقسارۋىنا قاجەتتى بارلىق جاعداي جاسالۋدا. اتا-انالارعا پسيحولوگيالىق كومەك كورسەتىلىپ جاتىر. دارىگەرلەردىڭ ايتۋىنشا، بالالاردىڭ جاعدايى ءبىرقالىپتى.

جاعدايدىڭ نەدەن بولعانىن انىقتاۋ ءۇشىن، ماڭعىستاۋ وبلىستىق سانيتاريالىق - ەپيدەميولوگيالىق باقىلاۋ دەپارتامەنتى تەكسەرۋ جۇمىستارىن جۇرگىزىپ جاتىر.

وقيعاعا قاتىستى قىلمىستىق ءىس قوزعالىپ، سوتقا دەيىنگى تەرگەپ-تەكسەرۋ جۇمىستارى باستالدى.

ەسكە سالا كەتەيىك، مۋنايلى اۋدانىندا 8-مەكتەپتىڭ 21 وقۋشىسى 6-قىركۇيەك كۇنى كەشكى مەزگىلدەن باستاپ، جەدەل جاردەم شاقىرا باستاعان. شاعىمدارى: ءىشىنىڭ اۋرۋى، دەنە قىزۋى كوتەرىلۋى. بۇعان دەيىن ماڭعىستاۋدا الپىسقا جۋىق وقۋشى استان ۋلانعانىن جازعان ەدىك.

بۇگىنگى كۇنى، ساعات 17:05 تەگى جاعداي بويىنشا 67 بالا مەديتسينالىق كومەككە جۇگىندى. 52 بالا ءۇي جاعدايىنا باقىلاۋدا. 13 بالا اۋرۋحانادا ەم قابىلداپ جاتىر، - دەپ حابارلايدى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.