ماڭعىستاۋدا شەتەلدىك ازامات ەسىرتكى ورالعان پاكەتتى جۇتىپ قويدى

اقتاۋ. KAZINFORM - وقيعا بەينەۋ اۋدانىندا ورنالاسقان «تاجەن» كەدەن بەكەتىندە بولعان.

«Lada Largus» ماركالى جەڭىل اۆتوكولىكتى تەكسەرۋ كەزىندە 1991 -جىلى تۋعان وزبەكستان ازاماتىنان جاسىل پاكەتكە ورالعان زات تابىلدى. الايدا، شەتەلدىك ازامات تەكسەرۋشىلەردىڭ قولىنان پاكەتتى جۇلىپ الىپ، جۇتىپ قويعان. قىزمەتكەرلەر كۇتىكتىنى بەينەۋ اۋداندىق اۋرۋحاناعا جەتكىزىپ، اسقازانىنا كومپيۋتەرلىك توموگرافيا جاساتۋ ارقىلى بوگدە زاتتى انىقتادى.

سوت ساراپتامالىق قورىتىندى بويىنشا تاركىلەنگەن زات سالماعى - 1,26 گرام پسيحوتروپتىق مەتامفەتامين گيدروحلوريدى بولىپ شىقتى. قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى.

ەسىرتكى زاتتارىن ساقتاۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە. وزگە اقپارات تەرگەۋ مۇددەسى ءۇشىن جاريا ەتىلمەيدى.

بۇعان دەيىن الماتىدا ەسىرتكىنى جارنامالاعان 2 ءۇندىستاندىق ازامات ۇستالعان بولاتىن. ال، جامبىل وبلىسىندا 24 كەلىدەن استام ەسىرتكى تاسىمالداعاندار جازالاندى.

اۆتور
اياگوز ءىزباساروۆا