ماڭعىستاۋدا بيىل جاتىر موينى وبىرىنان 10 ايەل كوز جۇمدى
اقتاۋ. KAZINFORM - قازاقستان بويىنشا اتالعان دەرتتەن كۇنىنە 2 ايەل قايتىس بولادى. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ءبيبىزادا دۇيسەنبايەۆا مالىمدەدى.
«قازاقستاننىڭ كورسەتكىشى وتە جوعارى. ءبىز جىلىنا 600 ايەلدى جوعالتامىز. كۇنىنە ەكى ايەل وسى قاۋىپتى اۋرۋدان، ادام پاپيللوما ۆيرۋسىنان قايتىس بولادى. ال ۆاكسيناتسيا ارقىلى، ءبىز دە سول وركەنيەتتى ەلدەر سياقتى اۋرۋدىڭ الدىن الۋعا اتا- انالاردى، بارلىق وسى ءبىزدىڭ ۇرپاق ءوربىتۋ جاسىنداعى ايەلدەردى وسىعان شاقىرامىز»، - دەيدى باسقارما وكىلى.
وسىعان وراي، ماماندار ءبىلىم سالاسىنىڭ، ءدىن ىستەرى مەن جاستار ساياساتى باسقارمالارىنىڭ وكىلدەرىنە ءتۇسىندىرۋ جۇمىستارىن جۇرگىزدى. مامانداردىڭ ايتۋىنشا، قاتەرلى دەرتپەن كۇرەسۋدىڭ بىردەن ءبىر جولى - ەكپە سالدىرۋ. ادام پوپيللوما ۆيرۋسىنا قارسى ۆاكسينا 11 جاستاعى قىزدارعا سالىنادى. دارىگەرلەر ۆاكسينانىڭ ادام اعزاسىنا زيانى جوعىن ايتادى. ەكپە ەگۋ جۇمىستارى 30-قىركۇيەكتەن باستاپ، اتا- انالاردىڭ كەلىسىمىمەن جۇرگىزىلمەك.