ماڭعىستاۋدا بەينەۋ اۋدانىندا 11 بالا بىردەي دياگنوزبەن اۋرۋحاناعا جەتكىزىلدى

فوتو: فوتو: تۇركىستان وبلىسىنىڭ اكىمدىگى

اقتاۋ. KAZINFORM - وقيعا كەشكى مەزگىلدە ساعات 19:05 - 23:00 ارالىعىندا بولعان. بەينەۋ اۋداندىق ورتالىق اۋرۋحاناسىنىڭ قابىلداۋ بولىمىنە 9-12 جاس ارالىعىنداعى 11 بالا جەدەل-جاردەممەن جەتكىزىلگەن. ولاردىڭ بارلىعىندا قۇسۋ مەن السىزدىك بولعان.

بەينەۋ اۋدانى اكىمى باسپا ءسوز قىزمەتىنىڭ حابارلاۋىنشا، بالالار 2,3 جانە 5-سىنىپ وقۋشىلارى. بارلىعى دا دارىگەرلەردىڭ تەكسەرۋىنەن كەيىن ۇيلەرىنە جىبەرىلگەن.

- دارىگەرلەر قاراپ، بالالاردى ۇيلەرىنە قايتاردى. اۋرۋحاناعا جاتقىزىلعاندار جوق. قازىرگى ۋاقىتتا وقۋشىلاردىڭ دەنساۋلىعى ءبىرقالىپتى، امبۋلاتورلىق باقىلاۋدا، - دەلىنگەن حابارلامادا.

ال، بەينەۋ اۋداندىق سانيتاريالىق - ەپيدەميولوگيالىق باقىلاۋ باسقارماسىنىڭ ماماندارى وسى وقيعادان كەيىن، جەدەل تەرگەپ-تەكسەرۋ جۇرگىزىپ، ازىق-تۇلىكتەردەن سىنامالار العان. وقۋشىلاردىڭ نەدەن اۋىرعانىن انىقتاۋ ءۇشىن، سانيتاريالىق پروفيلاكتيكالىق ءىس-شارالار جۇرگىزىلىپ جاتىر.

بۇعان دەيىن، ماڭعىستاۋدا قىزىلساي اۋىلىندا بالاباقشادا بالالار استان ۋلانعان ەدى.