ماڭعىستاۋدا اۆتوسيستەرنا اۋدارىلىپ، جەرگە مۇناي توگىلدى

ماڭعىستاۋ وبلىستىق ەكولوگيا دەپارتامەنتىنىڭ حابارلاۋىنشا، وقيعا ورنىنا ماماندار بارىپ، قورشاعان ورتا جاعدايىن باعالاۋ جانە مۇمكىن زالالدى انىقتاۋ ءۇشىن، سىنامالار العان.

- 29-قىركۇيەك كۇنى ساعات 15:50 اقتاۋ- جاڭاوزەن تاس جولى بويىندا، 23-شاقىرىمىندا 720 AI/12 مەملەكەتتىك ءنومىرلى مۇناي تاسىمالداۋشى كولىك اۋدارىلىپ قالدى. وقيعا ورنىندا مۇناي ونىمدەرى توگىلگەندىگى انىقتالدى. ماڭعىستاۋ وبلىستىق ەكولوگيا دەپارتامەنتى ماماندارى توپىراقتان سىناما الۋ جۇمىستارىن جۇرگىزدى. قابىلدانعان شارالار الداعى ۋاقىتتى قوسىمشا حابارلانادى، - دەلىنگەن حابارلامادا.

ال، وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جۇك كولىگىنىڭ الدىڭعى دوڭگەلەگى جارىلىپ، قاپتالعا اۋدارىلعان. زارداپ شەككەندەر جوق.

بۇعان دەيىن، «كاماز» كولىگىمەن سوقتىعىسقان: اقمولا وبلىسىندا جول اپاتىنان 16 جاستاعى قىز كوز جۇمعان بولاتىن.

اۆتور

اياگوز ءىزباساروۆا