ماڭعىستاۋدا ارقار اتقان براكونەرلەر ۇستالدى
ماڭعىستاۋ وبلىسىندا قىزىل كىتاپقا ەنگىزىلگەن ارقاردى اتقان براكونەرلەر ۇستالدى، دەپ حابارلايدى Kazinform.
29- قاراشادا قىزىلساي تابيعي پاركى مەن «جابايۇشقان» مەملەكەتتىك تابيعي قاۋمالىنىڭ ماماندارى ءبورىباس جەرىندە كەزەكتى رەيد جۇرگىزگەن.
ءىس- شارا بارىسىندا Nissan Patrol اۆتوكولىگىمەن جاڭاوزەن قالاسىنىڭ تۇرعىندارى ۇستالعان.
- تەكسەرۋ بارىسىندا اۆتوكولىكتىڭ جۇك سالعىشىنان قىزىل كىتاپقا ەنگەن ءبىر ارقار تابىلدى. سونداي- اق 26 وعىمەن 1 اڭشى مىلتىعى جانە 2 اڭشى پىشاعى تاركىلەندى، - دەدى «جابايۇشقان» مەملەكەتتىك تابيعي قاۋمالىنىڭ باسشىسى جۇلدىزبەك ەسەنعاليەۆ.
اتالعان دەرەك ماڭعىستاۋ اۋداندىق پوليتسيا بولىمىنە حابارلانىپ، تىركەلگەن.
- قازىرگى ۋاقىتتا ق ر قىلمىستىق كودەكسىنىڭ 337-بابى بويىنشا تەرگەۋ جۇرگىزىلىپ جاتىر، - دەپ ءمالىم ەتتى ماڭعىستاۋ اۋداندىق پوليسيا بولىمىنەن.