ماڭعىستاۋدا الپىسقا جۋىق وقۋشى استان ۋلاندى

اقتاۋ. KAZINFORM - بالالار ءىش اۋرۋى مەن دەنە قىزۋىنا شاعىمدانىپ، دارىگەردىڭ كومەگىنە جۇگىنگەن.

ماڭعىستاۋ وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، مۇنايلى اۋدانىندا تاماقتان ۋلانعان بالالار باقىلاۋعا الىندى.

- مۇنايلى اۋدانىندا 8-مەكتەپتىڭ 21 وقۋشىسى 6-قىركۇيەك كۇنى كەشكى مەزگىلدەن باستاپ جەدەل جاردەم شاقىرىپ باستاعان. شاعىمدارى: ءىش اۋرۋى، دەنە قىزۋىنىڭ كوتەرىلۋى. بۇگىنگى كۇنى، ساعات 13:15 تەگى جاعداي بويىنشا 58 بالا مەديتسينالىق كومەككە جۇگىندى. 26 بالا ەمحانادا ەم قابىلداپ جاتىر، 27 بالا ءۇي جاعدايىندا باقىلاۋدا، 5 بالا اۋرۋحاناعا جاتقىزىلدى، - دەيدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ءمولدىر ءادىل.

جاعدايدىڭ نەدەن بولعانىن انىقتاۋ ماقساتىندا ماڭعىستاۋ وبلىسىنىڭ سانيتاريالىق - ەپيدەميولوگيالىق باقىلاۋ دەپارتامەنتىنە حابارلاما بەرىلگەن.