اقتاۋ. قازاقپارات - 2025 -جىلعى 7-9-ناۋرىز ارالىعىندا جايىق- كاسپي وبلىسارالىق باسسەيندىك بالىق شارۋاشىلىعى ينسپەكسياسىنىڭ مەملەكەتتىك ينسپەكتورلارى ماڭعىستاۋ وبلىسى اكىمدىگىنىڭ وكىلدەرىمەن جانە «ميكروبيولوگيا جانە ۆيرۋسولوگيا» عىلىمي-وندىرىستىك ورتالىعىنىڭ قىزمەتكەرلەرىمەن بىرلەسىپ كاسپي تەڭىزىنىڭ جاعالاۋ جيەگىنە مونيتورينگ جۇرگىزگەن.
- قازىرگى ۋاقىتتا اۋا رايى جاقساردى جانە يتبالىقتاردىڭ كوپشىلىگى تابيعي ورتاعا وزدىگىنەن ورالدى. ىزدەۋ جۇمىستارى بارىسىندا ماماندار 30 عا جۋىق جاس يتبالىقتاردى تاۋىپ، جيناپ، سۋعا جىبەردى،- دەلىنگەن بالىق شارۋاشىلىعى تاراتقان حابارلامادا.
ودان ءارى مونيتورينگتى جالعاستىرۋ ءۇشىن 12-ناۋرىزدا جەرگىلىكتى اتقارۋشى ورگاندار، قوعامدىق بىرلەستىكتەر مەن بۇقارالىق اقپارات قۇرالدارى وكىلدەرىنىڭ قاتىسۋىمەن اۋەدەن بارلاۋ جوسپارلانعان. ونداعى ماقسات-تەڭىزدەن ەداۋىر قاشىقتىققا كەتكەن يتبالىقتاردى انىقتاۋ.
Фото: Минсельхоз РКبۇل جاعداي قازاقستان رەسپۋبليكاسى اۋىل شارۋاشىلىعى مينيسترلىگىنىڭ بەيىندى ۆەدومستۆوسىنىڭ باقىلاۋىندا.
بۇعان دەيىن، بالىق شارۋاشىلىعى كوميتەتى يتبالىقتاردىڭ قۇرلىققا شىعىپ كەتۋىن تۇسىندىرگەن ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.