ماڭعىستاۋ وبلىسىندا «Sax Invest» قارجى پيراميداسى بولىمشەسىنىڭ باسشىسى ۇستالدى
استانا. KAZINFORM - قارجى مونيتورينگى اگەنتتىگىنىڭ ماڭعىستاۋ وبلىسى بويىنشا دەپارتامەنتى وڭىردە «Sax Invest» قارجى (ينۆەستيتسيالىق) پيراميداسىنىڭ قۇرىلىمدىق بولىمشەسىن باسقارعان تۇلعالار توبىنا قاتىستى سوتقا دەيىنگى تەرگەۋ جۇرگىزۋدە، دەپ حابارلايدى اگەنتتىكتىڭ باسپا ءسوز قىزمەتى.
«Sax Invest» كومپانياسى ءوزىن ينۆەستيتسيالىق قور، باعالى قاعازداردى، قارجى قۇرالدارىن جانە باسقا دا اكتيۆتەردى ۇستاۋشى، سونداي-اق افريكاداعى الماز ءوندىرۋ جونىندەگى جاھاندىق حالىقارالىق جوبانىڭ قاتىسۋشىسى رەتىندە كورسەتتى. كومپانيا تىركەۋدەن وتپەگەن جانە قارجى نارىعىندا قىزمەتتى جۇزەگە اسىرۋعا ليسەنزياسى بار ۇيىمداردىڭ تىزىلىمىندە جوق. «Sax Invest» قىزمەتىنىڭ قارجى پيراميداسىنا ءتان بەلگىلەرى:
- جىلدىق $-36- عا دەيىن جوعارى كىرىستىلىكتى ۋادە ەتىپ، بۇقارالىق اقپارات قۇرالدارىنا جانە ينتەرنەتكە اگرەسسيۆتى جانە جاپپاي جارناما بەرۋ؛
- ۇيىمنىڭ قارجىلىق جاعدايى، مەنشىكتى نەگىزگى قۇرالدارى، باسقا اكتيۆتەرى تۋرالى قانداي دا ءبىر اقپاراتتىڭ بولماۋى.
2018 -جىلدان 2022 -جىلعا دەيىنگى كەزەڭدە 1000-نان استام پيراميدا سالىمشىلارى 1 ميلليارد تەڭگەدەن اسا قاراجات اۋدارعان.
وبلىس پروكۋراتۋراسىنىڭ ۇيلەستىرۋىمەن پيراميدانىڭ قۇرىلىمدىق بولىمشەسىن باسقارعان ق ر ازاماتى كۇدىكتى رەتىندە ۇستالىپ، ۋاقىتش ۇستاۋ يزولياتورنى قاماۋعا الىندى.
قازىرگى ۋاقىتتا تەرگەۋ ارەكەتتەرى جۇرگىزىلۋدە، ق پ ك-ءنىڭ 201-بابىنا سايكەس وزگە دە اقپارات جاريالاۋعا جاتپايدى.
فيليالدارى رەسپۋبليكا بويىنشا ىستەگەن جاساعان «Sax Invest» قارجى پيراميداسىنىڭ ۇيىمداستىرۋشىسى س. مەڭدىعاليەۆكە حالىقارالىق ىزدەۋ جاريالاندى.
سونداي- اق، ەلوردادا «Sax Invest» كومپانياسى ديرەكتورىنىڭ ۇستالعانى جايىندا بۇرىن حابارلانعان بولاتىن. سوتقا دەيىنگى تەرگەۋ جالعاسۋدا.
ەگەر ءسىز جانە ءسىزدىڭ جاقىندارىڭىز اتالعان قارجى پيراميداسىنىڭ قىزمەتىنە تاپ بولسا، تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە حابارلاسۋىڭىزدى سۇرايمىز.
ق م ا ادام اقشا سالعىسى كەلەتىن كومپانيانى قارجى پيراميداسىنىڭ بەلگىلەرىنە تەكسەرۋگە مۇمكىندىك بەرەتىن تەلەگرام بوتتى ىسكە قوستى.
«سونىمەن قاتار، مۇنداي قۇقىق بۇزۋشىلىقتار ءۇشىن ۇستالعان بارلىق جالعان جوبالاردىڭ ءتىزىمى اگەنتتىكتىڭ سايتىندا جاريالانعان. ازاماتتاردى قىراعى بولۋعا جانە ءوز جيناقتارىن كۇماندى قارجى ۇيىمدارىنا سالماۋعا شاقىرامىز»، - دەلىنگەن ق ر ق م ا باسپا ءسوز قىزمەتى تاراتقان حابارلامادا.
وسىعان دەيىن ءۇش مىڭنان استام سالىمشىنى الداپ سوققان «Sax Invest» قارجى پيراميداسىن قۇرعانداردىڭ ءبىرى ۇستالعانى تۋرالى جازعان ەدىك.
اۆتور
ايدار وسپاناليەۆ