ىشكى ىستەر مينيسترلىگى «زاڭ مەن ءتارتىپ» قاعيداتىن ىسكە اسىرۋدى جالعاستىرىپ جاتىر. اتاپ ايتقاندا، ۇزاق ۋاقىت جۇرگىزىلگەن جەدەل-ىزدەستىرۋ شارالارىنىڭ ناتيجەسىندە ماڭعىستاۋ وبلىسىندا اپيىن توبىنا جاتاتىن ەسىرتكى زاتتارىن جەتكىزۋمەن اينالىسقان، جەرگىلىكتى ءتورت تۇرعىننان قۇرالعان قىلمىستىق توپتىڭ زاڭسىز قىزمەتى توقتاتىلدى.
فيگۋرانتتاردىڭ تۇرعىلىقتى مەكەنجايلارى بويىنشا جۇرگىزىلگەن ءتىنتۋ ءىس- شارالارى بارىسىندا 1,3 كەلى اپيىن جانە ءىرى كولەمدەگى اقشا تاركىلەندى. ساراپشىلاردىڭ باعالاۋىنشا، اۋعان تەكتى اپيىن وسى ءوڭىر ءۇشىن سيرەك كەزدەسەتىن ەسىرتكى ءتۇرى.
- قازىرگى ۋاقىتتا اتالعان دەرەك بويىنشا قىلمىستىق زاڭنامانىڭ 297-بابىنىڭ 3-بولىگىنە سايكەس سوتقا دەيىنگى تەرگەپ-تەكسەرۋ باستالدى. اتالعان باپتىڭ سانكتسياسى 12-جىلعا دەيىن باس بوستاندىعىنان ايىرۋ جازاسىن كوزدەيدى. بارلىق ۇستالعان كۇدىكتى ۋاقىتشا ۇستاۋ يزولياتورىنا قامالدى، - دەلىنگەن حابارلامادا.
ەسىرتكى جەتكىزۋ ارنالارىنىڭ جولىن كەسۋ باعىتىنداعى جۇمىس جالعاسىپ جاتىر.
بۇدان بۇرىن الماتى پوليتسياسى 2025 -جىلى جارتى توننادان استام ەسىرتكى تاركىلەگەنىن جازعانبىز.