ماعاز رازدان ۇلىنىڭ 100 جىلدىعىنا وراي كەش وتەدى

استانا قالاسىندا، 2025-جىلعى 11-ءساۋىر كۇنى ساعات 14:00 دە قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قازاق ادەبيەتىنىڭ كورنەكتى وكىلى، اقىن، جازۋشى، دراماتۋرگ ماعاز رازدان ۇلىنىڭ تۋعانىنا 100 جىل تولۋىنا وراي ونىڭ ء"ۇش تومدىق تاڭدامالى شىعارمالارىنىڭ" تانىستىرىلىمى وتەدى. 

بۇل شارانى ق ر جازۋشىلار وداعىنىڭ استانا بولىمشەسى مەن ق ر ۇلتتىق اكادەميالىق كىتاپحاناسى بىرلەسىپ ۇيىمداستىرىپ وتىر.

ماعاز رازدان ۇلى (1924-1998) - قىتاي حالىق رەسپۋبليكاسى جازۋشىلار وداعىنىڭ مۇشەسى، بەلگىلى جازۋشى، دراماتۋرگ، اقىن. «التاي اقيىقتارى»، «اتا زامان سويلەيدى» تاريحي رومانداردىڭ، «اسۋلار تولعاۋى»، «ۋاقىتقا جاۋاپ» جىر- تولعاۋلاردىڭ، «سارى بەل» اتتى ولەڭ- روماننىڭ جانە باسقا دا كورنەكتى شىعارمالاردىڭ اۆتورى.

جازۋشىنىڭ تاعدىرى ⅩⅩ عاسىردىڭ ساياسي- الەۋمەتتىك قىسپاعىمەن تىكەلەي بايلانىستى. قىتايداعى «مادەنيەت توڭكەرىسى» دەپ اتالعان دۇربەلەڭ كەزىندە ول 20  جىلعا جۋىق ۋاقىتىن تۇرمەدە وتكىزىپ، 1978 -جىلى عانا تولىق اقتالدى. كەيىن تۋعان جەرى - بۋىرشىن اۋدانىندا مادەنيەت سالاسىندا قىزمەت اتقارىپ، شىعارماشىلىقپەن اينالىستى.

ۇيىمداستىرۋشىلار ماعاز رازدان ۇلىنىڭ شىعارماشىلىق مۇراسىن قازىرگى قازاق وقىرمانىنا كەڭىنەن تانىستىرۋ، ونىڭ تاريحي جانە ادەبي ەڭبەكتەرىنىڭ ءمان-ماڭىزىن ايقىنداۋ. شارا بارىسىندا جازۋشىنىڭ ءومىرى مەن شىعارماشىلىعى تۋرالى باياندامالار جاسالىپ، ەستەلىكتەر ايتىلىپ، ونىڭ ەڭبەكتەرى ادەبيەتتانۋشىلار، جازۋشىلار مەن زيالى قاۋىم تاراپىنان تالقىلانادى.
قر جازۋشىلار وداعىنىڭ باسشىلىعى، بەلگىلى اقىن- جازۋشىلار، ادەبيەتتانۋشىلار، قوعام قايراتكەرلەرى، جۋرناليستەر مەن وقىرماندار قاۋىمى قاتىسادى دەپ كۇتىلۋدە.

بۇل - تاريحي، مادەني جانە رۋحاني قۇندىلىقتاردى ناسيحاتتايتىن اسا ماڭىزدى ادەبي شارا بولماق.