استانا. KAZINFORM - پرەمەر-ءمينيستردىڭ ورىنباسارى تامارا دۇيسەنوۆا وقۋ-اعارتۋ، عىلىم جانە جوعارى ءبىلىم مينيسترلىكتەرىنىڭ بىرلەسكەن القا ماجىلىسىنەن كەيىن م ءا م س جۇيەسىن رەفورمالاۋ تۋرالى پىكىر ءبىلدىردى.
«قازىر جۇمىس توبى بۇل باعىتتا جۇمىس ىستەپ جاتىر. بىرىنشىدەن، مەديتسينالىق ساقتاندىرۋ جۇيەسىنىڭ ءوزى دۇرىس. ونى بۇكىل الەمدە قولدانىپ وتىر. ءبىراق ءدال ءبىزدىڭ جۇيەنىڭ ولقىلىقتارى بار. سوعان بايلانىستى جۇمىس توبى قۇرىلدى، ءبىر اي مەرزىم بەرىلدى. دەنساۋلىق ساقتاۋ مينيسترلىگى ءوز ۇسىنىستارىن الدىمىزعا قويادى»، - دەدى ۆيتسە-پرەمەر.
دەگەنمەن ول تولەمنىڭ مولشەرلەمەسىن ازايتۋ قانشالىقتى مۇمكىن ەكەنىن ايتپادى.
«جۇمىس توبى قازىر ول ماسەلەنى پىسىقتاپ جاتىر. كەيىن ۇسىنىستارىمىزدى بەرەمىز»، - دەپ قىسقا قايىردى تامارا دۇيسەنوۆا.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.