—- قاتەلەسپەسەم، 522 مىڭ ادام بار. ونىڭ 70 مىڭنان استامى «А» ساناتىنا، قالعانى «В» ساناتىنا جاتادى. قازىر وسى ساناتتارعا تالداۋ جۇرگىزىلىپ جاتىر. ءار ادامعا ءتيىستى حابارلاما جىبەرىلەدى. بۇل باعىتتاعى جۇمىس جالعاسىپ جاتىر. قاتەلىككە جول بەرىلمەۋى كەرەك. ءبىز مەملەكەتتىڭ مۇددەسىنەن گورى ازاماتتاردىڭ مۇددەسىنە قاراي قاتەلەسكەندى ءجون كورەمىز، - دەدى سەرىك جۇمانعارين.
ايتا كەتەيىك، وتباسىلار ءال-اۋقات دەڭگەيىنە قاراي بەس ساناتقا بولىنەدى:
· А— ءال-اۋقاتى جوعارى؛
· В — اۋقاتتى؛
· С — ءال-اۋقاتى قاناعاتتانارلىق؛
· D — ەكونوميكالىق تۇرعىدان وسال؛
· Е — ەكونوميكالىق جانە الەۋمەتتىك تۇرعىدان وسال.
وتباسىنىڭ قاي ساناتقا جاتاتىنى ءبىر عانا كورسەتكىشكە قاراپ انىقتالمايدى. باعالاۋ سەگىز نەگىزگى باعىت بويىنشا 59 كورسەتكىشتى قامتيدى.
اتاپ ايتقاندا:
· وتباسىنىڭ قارجىلىق جاعدايى؛
· مۇلكى مەن باسقا دا اكتيۆتەرى؛
· تۇرعىن ءۇي جاعدايى؛
· جەڭىل جانە كوممەرتسيالىق كولىگىنىڭ بولۋى؛
· جەر تەلىمى مەن جەكە قوسالقى شارۋاشىلىعى؛
· وتباسى مۇشەلەرىنىڭ جۇمىسپەن قامتىلۋى؛
· نەسيەلەرى مەن مەرزىمى وتكەن بەرەشەگىنىڭ بولۋى؛
· كاسىپكەرلىكپەن اينالىسۋى جانە باسقا دا كورسەتكىشتەر.
ايتا كەتەلىك Forbes قازاقستاننىڭ 2026 -جىلعى ەڭ ىقپالدى 50 كاسىپكەرىن اتاعان ەدى.
اۆتورلار
مارلان جيەمباي