سەبەبى تىرشىلىك ءنارىنىڭ تاپشىلىعى جىل وتكەن سايىن ۇلكەن ماسەلەگە اينالىپ بارادى. تۇركى مەملەكەتتەرى ۇيىمىنا مۇشە ەلدەر كوپتەگەن باعىتتا بىرلەسىپ جۇمىس ىستەۋگە مۇددەلى. سونىڭ ءبىرى عارىش سالاسى. «CubeSat» سپۋتنيگىن قۇراستىرۋ ءۇشىن باۋىرلاس مەملەكەتتەردىڭ ءبىر توپ ينجەنەرى قازىر قازاقستاندا جۇمىس ىستەپ جاتىر. ولاردىڭ ىشىندە وزبەكستاننىڭ دا سالا ماماندارى بار.
قۋاندىق شۇلەنبايەۆ، ق ر جاساندى ينتەللەكت جانە سيفرلىق دامۋ مينيسترلىگىنىڭ ايەروعارىش كوميتەتى ءتوراعاسىنىڭ ورىنباسارى:
- قازاقستان، وزبەكستان، تۇرىكمەنستان جانە قىرعىزستان ءۇشىن دە وتە ماڭىزدى. ءبىز كۇش-جىگەرىمىزدى بىرىكتىرسەك، مۇزدىقتاردىڭ قانداي جىلدامدىقپەن ەرىپ جاتقانىن جانە قاي سۋ ارنالارىن تازارتۋ قاجەت ەكەنىن بىلە الامىز. سەبەبى سورتاڭدانۋ، باتپاقتانۋ سياقتى ماسەلەر بار. عارىشتان باقىلاۋ وسىنداي تۇيتكىلدەردى الدىن الۋعا مۇمكىندىك بەرەدى.
ترانسشەكارالىق سۋلاردى اۋەدەن باقىلاۋ يدەياسى ازىرگە تالقىلانىپ جاتىر. باستاپقىدا ول عىلىمي جوبا رەتىندە ءجۇرۋى مۇمكىن. كەيىن ونى تولىق پلاتفورما رەتىندە قالىپتاستىرۋ مۇمكىندىگى قاراستىرىلماق.
بەحرۋز ميرزايەۆ، «وزبەك كوسموس» اگەنتتىگى حالىقارالىق قاتىناستار ءبولىمىنىڭ باس مامانى:
- عارىشتىق مونيتورينگ بويىنشا ءبىز قازاق تاراپىنىڭ تاجىريبەسىن زەردەلەدىك جانە كەيبىر ماڭىزدى باعدارلامالاردى وزىمىزگە ەنگىزدىك. ترانسشەكارالىق سۋلاردى اۋەدەن باقىلاۋ يدەياسى قازىر وزەكتى. سونداي-اق، ءبىز تۇركى مەملەكەتتەرى ۇيىمى اياسىندا قازاقستان ازىرلەپ جاتقان جەرسەرىكتى قۇراستىرۋ جانە ونى عارىش كەڭىستىگىنە شىعارۋ بويىنشا جۇمىس ىستەپ جاتىرمىز.
تۇركى ۇيىمىنا مۇشە مەملەكەتتەر قازاقستاننىڭ عارىش سالاسىنداعى تاجىريبەسىنە سۇيەنە وتىرىپ، بىرىككەن جوبالاردىڭ جۇزەگە اسارىنا سەنمىدى. جانە وسى باعىتتا جان-جاقتى قولداۋ كورسەتۋگە دايىن ەكەندەرىن ايتادى.
24.kz