- فيزيكالىق كولەم يندەكسى 106,2 پايىزدى قۇراپ، ساۋدا كولەمى 61 تريلليون تەڭگەگە جەتتى. بۇل وتكەن جىلدىڭ وسى كەزەڭىمەن سالىستىرعاندا شامامەن 16 پايىزعا جوعارى. كوتەرمە ساۋدا 16 پايىزدان اسسا (40,7 تريلليون تەڭگە)، بولشەك ساۋدا 15 پايىزعا (20,5 تريلليون تەڭگە) ءوستى، - دەدى ول.
سونىمەن قاتار، توعىز ايدا ەلىمىزدىڭ بارلىق وڭىرىندە جاقسى كورسەتكىش ساقتالدى. تاۋار اينالىمىنىڭ 70 پايىزدان استامى الماتى، استانا، شىمكەنت قالالارىنا جانە اتىراۋ مەن قاراعاندى وبلىستارىنا تيەسىلى.
ەڭ جوعارى ءوسىم كورسەتكەندەر:
تۇركىستان وبلىسى - 128,6 پايىز؛
شىمكەنت قالاسى - 123 پايىز؛
الماتى وبلىسى - 120,5 پايىز؛
پاۆلودار وبلىسى - 118,2 پايىز؛
سولتۇستىك قازاقستان وبلىسى - 116,1 پايىز.
ءمينيستردىڭ سوزىنشە، نەگىزگى ءوسىمدى ون تاۋار توبى قامتىدى. ولار تاۋار اينالىمىنىڭ 70 پايىزدان استامىن قامتاماسىز ەتتى. اتالعان ونىمدەرگە اۆتوكولىكتەر، تۇرمىستىق تەحنيكا، فارماتسيەۆتيكالىق ءونىم، سۋسىندار، ازىق-تۇلىك ونىمدەرى، سونداي-اق قۇرىلىس ماتەريالدارى سياقتى وڭدەلگەن تاۋارلار جاتادى.
ودان بولەك، ارمان شاققاليەۆ ساۋدانىڭ ودان ءارى ءوسۋىن قامتاماسىز ەتۋ ءۇشىن شارالار كەشەنى ىسكە اسىرىلىپ جاتقانىن اتاپ ءوتتى.
ايتا كەتەيىك، بۇعان دەيىن ۇكىمەت وتىرىسىندا پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ينفلياتسيا باسەڭدەگەنىن ايتقان ەدى.