قولدا بار دەرەكتەرگە سۇيەنسەك، ديامەترى R16 بولاتىن دوڭگەلەكتى اۋىستىرۋ باعاسى 5 مىڭ تەڭگەدەن باستالىپ، 14 مىڭ تەڭگەگە دەيىن جەتتى. ال R18 دوڭگەلەگىن اۋىستىرۋ قۇنى 8 مىڭ تەڭگەدەن باستالىپ، 20 مىڭ تەڭگەگە دەيىن كوتەرىلدى. دەمەك دوڭگەلەكتى اۋىستىرۋ قىزمەتىنىڭ قۇنى قالالارعا بايلانىستى وزگەرىپ وتىرادى.
قىسقى دوڭگەلەككە اۋىستىرۋ قىزمەتى قايدا ارزان
ديامەترى R16 بولاتىن دوڭگەلەك جيىنتىعىن اۋىستىرۋ قىزمەتى اقتاۋ مەن وسكەمەن قالالارىندا 5 مىڭ تەڭگەدەن باستالادى. پاۆلودار، تۇركىستان مەن تارازدا 6 مىڭ تەڭگە بولسا، شىمكەنتتە 7 مىڭ تەڭگە جانە ودان جوعارى.
R18 دوڭگەلەگىن قىسقا دايىنداۋ قىزمەتىنىڭ باعاسى ەلىمىزدە 8 مىڭ تەڭگەدەن باستالادى. اقتاۋ مەن تۇركىستاندا وسى باعا تىركەلدى. تاراز قالاسىندا دوڭگەلەك جيىنتىعىن اۋىستىرۋ باعاسى - 9 مىڭ تەڭگە، پەتروپاۆل، قىزىلوردا مەن شىمكەنتتە - 10 مىڭ تەڭگە.
قىزمەت قۇنى قاي قالادا جوعارى
ديامەترى R16 بولاتىن ءتورت دوڭگەلەكتى اۋىستىرۋ قىزمەتىنىڭ باعاسى ورال قالاسىندا - 14 مىڭ تەڭگە. ءارى قاراي اقتوبە قالاسىندا 10,6 مىڭ تەڭگە، قوستانايدا 10,4 مىڭ تەڭگە، سونىمەن بىرگە استانا، اتىراۋ، كوكشەتاۋ، قاراعاندى مەن جەزقازعاندا قىزمەت اقىسى - 10 مىڭ تەڭگە.
ال ديامەترى R18 بولاتىن ءتورت دوڭگەلەكتى اۋىستىرۋ باعاسى ورالدا 20 مىڭ تەڭگە. پاۆلودار مەن تالدىقورعاندا قىزمەت اقىسى - 15 مىڭ تەڭگە. استانا، كوكشەتاۋ، جەزقازعان مەن سەمەيدە 14 مىڭ تەڭگە بولسا، قاراعاندى قالاسىندا ديامەترى R18 دوڭگەلەگىن 13 مىڭ تەڭگەگە اۋىستىرىپ بەرەدى.
دوڭگەلەكتىڭ ديامەترى باعاعا قالاي اسەر ەتەدى
ەلىمىزدە ديامەترى R16 دوڭگەلەگىنە قاراعاندا R18 دوڭگەلەگىن اۋىستىرۋ باعاسى جوعارى. باعا ايىرماسى 2 مىڭ تەڭگەدەن باستالىپ، 9 مىڭ تەڭگەگە دەيىن جەتەدى. سونىڭ ىشىندە پاۆلوداردا R18- ءدى 15 مىڭ تەڭگەگە، ال R16-نى 6 مىڭ تەڭگەگە اۋىستىرادى. تالدىقورعان مەن وسكەمەن قالالارىندا ەكەۋىنىڭ اراسىنداعى ايىرماشىلىق 7 مىڭ تەڭگە بولىپ تۇر. الماتى مەن قوستاناي، استانا، قاراعاندى، جەزقازعان قالالارىندا باعا ايىرماسى 4 مىڭ تەڭگە بولدى.
اقتاۋ، اتىراۋ، اقتوبە، ورال، پەتروپاۆل، كوكشەتاۋ، قىزىلوردا، تۇركىستان، شىمكەنت، تاراز جانە قونايەۆتا R16 مەن R18 اراسىنداعى ايىرماشىلىق 2 مىڭ تەڭگەدەن باستالىپ، 6 مىڭ تەڭگەگە جەتتى. جۇرگىزۋشى دوڭگەلەك جوندەۋ ورنىنا بارماس بۇرىن قىزمەت اقىسىنا نە كىرەتىنىن سۇراپ العان دۇرىس. كوبى دوڭگەلەكتى شەشىپ الىپ، قىسقىعا اۋىستىرادى جانە ديسكىنىڭ مايىسقان تۇسىن تۇزەتىپ بەرەدى. باعا ديسكىنىڭ تۇرىنە، دوڭگەلەكتىڭ جاعدايىنا جانە قوسىمشا جۇمىسىنا قاراي وزگەرۋى مۇمكىن.
بۇعان دەيىن حابارلاعانىمىزداي، قازاقستاندا كۇننىڭ سۋىتۋىنا بايلانىستى قىسقى دوڭگەلەكتەرگە سۇرانىس ارتقان. وسىنى پايدالانعان الاياقتار ينتەرنەتتە ارزان شينا ساتامىز دەگەن جەلەۋمەن تۇرعىنداردىڭ اقشاسىن الداپ الۋعا تىرىسىپ جاتىر.
2026 -جىلى بەلگىلەنگەن مەرزىمدە قىسقى شينالاردى پايدالانباعانى ءۇشىن ايىپپۇل 5 ايلىق ەسەپتىك كورسەتكىشتى (اەك) ، ياعني 21625 تەڭگە. اكىمشىلىك جازا قولدانىلعاننان كەيىن ءبىر جىل ىشىندە قۇقىق بۇزۋ قايتالانسا، ايىپپۇل 20 ا ە ك- كە نەمەسە 86500 تەڭگەگە دەيىن وسەدى.
سونىمەن بىرگە ەلىمىزدەگى تەحنيكالىق بايقاۋ باعاسى تۋرالى جازىلدى.