سونىمەن قاتار 2021 -جىلدان باستاپ فيليالدار، فرانشيزالار، سەرىكتەستىكتەر، جاھاندىق كامپۋستار مەن كونسورتسيۋمداردى قامتيتىن 40 ستراتەگيالىق سەرىكتەستىك ورناتىلدى. قازىر تاعى 10 ستراتەگيالىق سەرىكتەستىك بويىنشا جۇمىس جۇرگىزىلىپ جاتىر.
2025 -جىلدىڭ قىركۇيەگىندە Cardiff University جانە Coventry University ( ۇلى بريتانيا)، Woosong University (وڭتۇستىك كورەيا)، Anhalt (گەرمانيا)، Politechnico della Marche (يتاليا)، سونداي-اق م م ح ق ي (رەسەي) ۋنيۆەرسيتەتتەرىنىڭ فيليالدارى جۇمىس ىستەي باستادى.
2021 -جىلدان بەرى اشىلعان 33 ۋنيۆەرسيتەت فيليالى ۇلى بريتانيا، رەسەي، ا ق ش، قىتاي، وڭتۇستىك كورەيا، گەرمانيا، فرانسيا، يتاليا، ۆەنگريا جانە پولشا سياقتى ەلدەردىڭ جوعارى وقۋ ورىندارىنا تيەسىلى.
- سوڭعى ءۇش جىلدا شەتەلدە وتاندىق جوعارى وقۋ ورىندارىنىڭ 5 فيليالى اشىلدى. اتاپ ايتقاندا، 2022 -جىلى بىشكەك قالاسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالى جانە قىرعىز رەسپۋبليكاسىنداعى وش مەملەكەتتىك ۋنيۆەرسيتەتى بازاسىندا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ فيليالى اشىلدى، - دەلىنگەن ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنىڭ مالىمەتتەرىندە.
2023 -جىلى وزبەكستاننىڭ چيرچيك قالاسىندا مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ فيليالى اشىلدى. سونداي-اق تاجىكستاننىڭ دۋشانبە قالاسىنداعى وسيم اتىنداعى تاجىك مەملەكەتتىك ۋنيۆەرسيتەتىندە ل. ن. گۋميليەۆ اتىنداعى ە ۇ ۋ- دىڭ بىرلەسكەن اقپاراتتىق تەحنولوگيالار فاكۋلتەتى جۇمىس ىستەي باستادى.
2025 -جىلى رەسەيدەگى ومسك مەملەكەتتىك ۋنيۆەرسيتەتى بازاسىندا ءال-فارابي اتىنداعى قازۇۋ فيليالى اشىلدى.
سونىمەن قاتار 2025 -جىلى ل. ن. گۋميليەۆ اتىنداعى ە ۇ ۋ مەن الماتى قالاسىنداعى لوگيستيكا جانە كولىك اكادەمياسىندا لۋ بان شەبەرحانالارىنىڭ ەكىنشىسى مەن ءۇشىنشىسىن اشۋ تۋرالى كەلىسىمگە قول جەتكىزىلدى.
بيىل قازاق سپورت جانە تۋريزم اكادەمياسى (ق س ت ا) مەن QAIRU - Qazaq AI Research University اشىلدى.
وسىعان دەيىن الەمدەگى وزىق ج و و- لارعا ءتۇسۋ ءۇشىن قازاقستانداعى تالاپكەرلەر نەنى ءبىلۋى كەرەك ەكەنى تۋرالى جازدىق.