استانا. KAZINFORM – ق ر ونەركاسىپ جانە قۇرىلىس ءمينيسترى ەرسايىن ناعاسپايەۆ ۇكىمەت وتىرىسىنان كەيىنگى بريفينگتە قازاقستاندا وندىرىلگەن اۆتوكولىكتەردىڭ باعاسى تومەندەگەنىن مالىمدەدى.
- اۆتوكولىك باعاسى تومەندەپ كەلەدى. بۇل - جاقسى ءۇردىس. قولىمدا ستاتيستيكا بار. قازاقستاندا وندىرىلگەن اۆتوكولىكتەر باعاسىنىڭ وزگەرۋ ديناميكاسىن تالدادىق. 2025-جىلدىڭ قورىتىندىسى بويىنشا ولاردىڭ باعاسى شامامەن %5 تومەندەدى،- دەدى ەرسايىن ناعاسپايەۆ ۇكىمەتتەگى بريفينگ بارىسىندا.
سونىمەن قاتار، ءمينيستردىڭ ايتۋىنشا، شەتەلدە وندىرىلگەن اۆتوكولىكتەردىڭ باعاسى، كەرىسىنشە، ازداپ وسكەن.
ايتا كەتەيىك، بۇعان دەيىن بىلتىر ەلىمىزدە 171400 اۆتوكولىك شىعارىلعانىن جازعانبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.