مينيسترلىكتىڭ باسپا ءسوز قىزمەتى ءمالىم ەتكەندەي، كەزدەسۋ بارىسىندا قازاقستاننىڭ ي ك ا و- مەن ءوزارا ءىس-قيمىلى، اۆياتسيالىق قاۋىپسىزدىكتى نىعايتۋ جانە ازاماتتىق اۆياتسيا سالاسىنداعى حالىقارالىق ىنتىماقتاستىقتى دامىتۋ ماسەلەلەرى تالقىلاندى.
مينيستر ازاماتتىق اۆياتسيا سالاسىن دامىتۋ باعىتىندا قابىلدانىپ جاتقان شارالار تۋرالى حاباردار ەتتى.
- 2028-جىلعا دەيىنگى ءۇش جىلدىق جوسپار شەڭبەرىندە اۋە قاتىناسى باعىتتارىنىڭ جەلىسىن كەڭەيتۋ، اۋەجايلاردى جاڭعىرتۋ، اۋە كەمەلەرى پاركىن جاڭارتۋ جانە اۆياتسيا ماماندارىن دايارلاۋ جۇمىستارى جۇرگىزىلىپ جاتىر. سونىمەن قاتار، ي ك ا و-نىڭ ساراپتامالىق قولداۋىمەن 2050-جىلعا دەيىنگى ازاماتتىق اۆياتسيانى دامىتۋ جونىندەگى ماستەر- جوسپار ازىرلەنۋدە، - دەلىنگەن حابارلامادا.
كەزدەسۋ قورىتىندىسى بويىنشا تاراپتار ازاماتتىق اۆياتسيانىڭ باسىم باعىتتارى بويىنشا ىنتىماقتاستىقتى ودان ءارى نىعايتۋعا جانە ءوزارا ءىس-قيمىلدى دامىتۋعا مۇددەلى ەكەنىن راستادى.
بۇدان بۇرىن قازاقستان العاش رەت ي ك ا و-نىڭ اۆياتسيالىق قاۋىپسىزدىك اپتالىعىن وتكىزەتىنىن جازدىق.
سونداي-اق قازاقستانعا رەسمي ساپارمەن يكاو باس حاتشىسى كەلگەنى بەلگىلى بولدى.