استانا. KAZINFORM - انكارادان ۇشىپ شىققاننان كەيىن كوپ ۇزاماي بورتىندا ليۆيا ارمياسى باس شتابىنىڭ باستىعى موحاممەد الي- احمەد ال- حادداد بولعان جەكە ۇشاق راداردان جوعالىپ كەتكەن. بۇل تۋرالى BBC حابارلايدى.
تۇركيانىڭ NTV تەلەارناسىنىڭ مالىمەتىنشە، Falcon ماركالى ۇشاق انكارادان شامامەن 70 شاقىرىم وڭتۇستىكتە، حايمانا قالاسى ماڭىندا راداردان كورىنبەي، بايلانىس ۇزىلگەن.
تۇركيانىڭ ىشكى ىستەر ءمينيسترى الي ەرليكايا X الەۋمەتتىك جەلىسىندەگى پاراقشاسىندا جەرگىلىكتى ۋاقىت بويىنشا كەشكى ساعات 21.00 شاماسىندا ۇشاقپەن بايلانىس جوعالعانىن راستادى. ونىڭ ايتۋىنشا، اۋە كەمەسىندە ال-حادداد پەن تاعى ءتورت ادام بولعان، ولار انكارادان تريپوليگە باعىت العان.
قازىرگى ۋاقىتتا وقيعانىڭ ءمان-جايى ناقتىلانىپ جاتىر، رەسمي ورگاندار ىزدەستىرۋ- قۇتقارۋ شارالارىن جۇرگىزۋدە.
Ризабек Нүсіпбекұлы
«Қазақ тілі мен әдебиеті» мамандығының магистрі.
2009 жылдан бері "ҚазАқпарат" Халықаралық ақпарат агеніттігінде қызмет атқарады.
"ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері.
Халықаралық, Республикалық жыр мүшәйраларының жүлдегері.