ۇلىتاۋدا مەملەكەتتىك رامىزدەر الاڭى اشىلادى
استانا. KAZINFORM - ءماجىلىس دەپۋتاتى، «AMANAT» پارتياسى فراكسياسىنىڭ مۇشەسى ەربولات ساتىبالدين ۇلىتاۋ اۋىلى اۋليەتاۋ تاۋىنىڭ باۋرايىنداعى مەملەكەتتىك رامىزدەر الاڭىنىڭ قۇرىلىس جۇمىسىمەن تانىستى. بۇل تۋرالى ءماجىلىستىڭ باسپا ءسوز قىزمەتى ءمالىم ەتتى.
2022 -جىلى ماۋسىمدا پرەزيدەنت قاسىم-جومارت توقايەۆ ۇلتتىق قۇرىلتايدىڭ ءبىرىنشى وتىرىسىندا قازاق حالقىنىڭ بىرلىگىن ايگىلەيتىن ساۋلەتتى نىسان - مەملەكەتتىك رامىزدەر الاڭىن اشۋدى تاپسىردى. بۇگىندە نىسان قۇرىلىسىنىڭ � عا جۋىعى اياقتالعان. الاڭدا قازاقستان تاريحىنىڭ ءارتۇرلى كەزەڭىن بەينەلەيتىن بارەلەفتەر، جاياۋ جۇرگىنشى جولدارى سالىنادى. نىساننىڭ جالپى اۋماعى 3 گەكتاردى قۇرايدى. قازىردە كوگالداندىرۋ جانە جارىقتاندىرۋ جۇمىسى جۇرگىزىلىپ جاتىر.
- ۇلىتاۋ توپىراعى - ۇلى دالا تاريحىنىڭ كۋاگەرى، ۇلتىمىزدىڭ رۋحاني استاناسى. ءدال وسى جەردە 1730 -جىلى جوڭعارلارعا قارسى ءۇش ءجۇزدىڭ جاساعى جينالدى. جىل سايىن مۇنداعى كيەلى ورىندارعا 40 مىڭعا جۋىق مەيمان كەلەدى. ۇلىتاۋ اۋدانىندا 600-دەن استام ەسكەرتكىش بار. سوندىقتان تۋريزمدى دامىتۋ - «AMANAT» پارتياسى ۇلىتاۋ وبلىستىق سايلاۋالدى باعدارلاماسىنداعى نەگىزگى باسىمدىقتاردىڭ ءبىرى. قوناق ءۇي، ساناتوريي سالۋ، جولداردى جاڭعىرتۋ جونىندەگى كەشەندى ءىس-شارالار 2028 -جىلعا قاراي جىل سايىنعى تۋريستەر سانىن 0 عا ارتتىرۋعا مۇمكىندىك بەرەدى، - دەدى ەربولات ساتىبالدين.
ماسەلەن، 2027 -جىلعا قاراي اۋليەتاۋ شىڭىنا اپاراتىن جول سالىنادى، ۇلىتاۋ اۋدانىنىڭ كۇمىسبۇلاق جانە تاسبۇلاق بۇلاقتارىنىڭ اۋماعى اباتتاندىرىلادى، «ساتبايەۆ- مالشىباي» اۆتوموبيل جولى، «جوشى حان» كەسەنەسى، دومباۋىل قورىمى قايتا جاڭارتىلادى.
وسى كۇنى ەربولات ساتىبالدين ازاماتتاردى قابىلدادى. ۇلىتاۋلىقتار دەپۋتاتقا: ينفراقۇرىلىمنىڭ جاي-كۇيى، الەۋمەتتىك تولەمدەر مولشەرىن ارتتىرۋ، سونداي-اق دەنساۋلىق ساقتاۋ جانە ءبىلىم بەرۋ ماسەلەلەرى بويىنشا جۇگىندى. اتاپ ايتقاندا، ۇلىتاۋ اۋىلىنىڭ بىرنەشە تۇرعىنى ءىسىن جاڭادان باستاعان شارۋالارعا مەملەكەت تاراپىنان ۇسىنىلاتىن جەڭىلدەتىلگەن نەسيەنى قالاي الۋعا بولاتىنىن سۇرادى. ماجىلىسمەن جاۋاپ رەتىندە «AMANAT» پارتياسىنىڭ «اۋىل اماناتى» جوباسى تۋرالى اقپاراتپەن ءبولىستى.
- اۋىل تۇرعىندارىنا 5-7 جىل مەرزىمگە جىلدىق مولشەرلەمەسى 2,5 پايىزدى قۇرايتىن شاعىن نەسيە بەرىلەدى. ازاماتتار 8,6 ميلليون تەڭگە دەيىن نەسيە الا الادى. وسىلايشا، شارۋا جەكە كاسىبىن اشا وتىرىپ، قارىزدان قۇتىلىپ قانا قويماي، ءال-اۋقاتىن دا ەداۋىر جاقسارتا الادى. پرەزيدەنت بىلتىر قازاقستان حالقىنا جولداۋىندا «اۋىل اماناتى» جوباسىنىڭ ماڭىزىن اتاپ ءوتىپ، جەكە قوسالقى شارۋاشىلىقتار كووپەراتسياسىن ىنتالاندىرۋدى تاپسىردى. جوبانى جۇزەگە اسىرۋ جۇمىسى باستالعاننان بەرى ۇلىتاۋ وبلىسىندا جالپى سوماسى 3 ميلليارد تەڭگەنى قۇرايتىن 380-نەن استام جوبا ماقۇلداندى. قاراجاتتىڭ باسىم بولىگى مال شارۋاشىلىعىن دامىتۋعا باعىتتالدى. ۇلىتاۋ اۋىلىنىڭ كوپ تۇرعىنى جەڭىلدەتىلگەن نەسيە الدى. ازاماتتاردى جوباعا بەلسەندى قاتىسۋعا شاقىرامىن، - دەدى ەربولات ساتىبالدين.
اۆتور
باقىتگۇل اباي قىزى