ۇلىتاۋ وبلىسىنداعى اۋىلدان 30 وتباسى تاسقىن سۋعا بايلانىستى قاۋىپسىز جەرگە كوشىرىلدى

ۇلىتاۋ. KAZINFORM - ۇلىتاۋ وبلىسىنىڭ جەزدى اۋىلىندا 10 ءۇيدى، تالدىساي اۋىلىندا 8 ءۇيدى سۋ باستى. جەزدى اۋىلىندا توتەنشە جاعداي جاريالاندى.

ناۋرىزدىڭ 28 نە قاراعان ءتۇنى ۇلىتاۋ اۋدانىنىڭ جەزدى اۋىلىندا 10 ءۇيدى سۋ باسىپ، 26 وتباسى قاۋىپسىز جەرگە كوشىرىلگەن ەدى.

وبلىس اكىمى بەرىك ءابدىعالي ۇلى جەزدى كەنتىندە باسپاناسىن سۋ باسقان ازاماتتارمەن كەزدەسىپ، شىعىنعا ۇشىراعان وتباسىلار ۋاقىتشا ورىندارعا كوشىرىلەتىنىن، توتەنشە جاعداي اياسىندا بارلىق كومەك كورسەتىلەتىنىن جەتكىزدى.

«زارداپ شەككەن وتباسىلار تۇگەل قاۋىپسىز جەرگە كوشىرىلسىن. ماسەلەنى تۇسكە دەيىن شەشۋدى تاپسىرامىن. مەردىگەر انىقتالىپ، ساراپتاما جاسالعان سوڭ بارلىق شىعىن وتەلەدى» - دەدى ءوڭىر باسشىسى ءوز سوزىندە.

قازىرگى ۋاقىتتا جەرگىلىكتى اتقارۋشى ورگاننان 15، توتەنشە جاعدايلار دەپارتامەنتىنەن 50 گە جۋىق، پوليتسيا دەپارتامەنتىنەن 30 دان استام قىزمەتكەر، جالپى سانى 13 تەحنيكا مەن 3 سورعى جۇمىس ىستەۋدە.

سونداي-اق، كەشە تۇنگى ساعات 22:30-دا ۇلىتاۋ سەلوسىنا قاراستى تالدىساي ەلدىمەكەنىندە قاردىڭ قارقىندى ەرۋىنە جانە جەر استى سۋىنىڭ كوتەرىلۋىنە بايلانىستى 8 جەكە ءۇي سۋ استىندا قالىپ، سۋ دەڭگەيى 50 س م-گە جەتكەن بولاتىن.

جەرگىلىكتى اتقارۋشى ورگاننىڭ 30 عا جۋىق قىزمەتكەرى، ت ج دەپارتامەنتى مەن پوليتسيا دەپارتامەنتى قىزمەتكەرلەرىنىڭ ارقاسىندا جانە جالپى سانى 6 تەحنيكانىڭ كۇشىمەن جەزدى كەنتىنە 20 ادام (ونىڭ ىشىندە 5 بالا جانە 7 ايەل) ەۆاكۋاتسيالانعان. سونداي-اق قاۋىپسىز جەرگە جۇزدەن استام ءى ق م مەن ۇساق مال شىعارىلدى.

تالدىساي ەلدىمەكەنىنەن جەزدى كەنتىنە قونىستاندىرىلعان 8 ءۇيدىڭ يەلەرى ءۇشىن ەكى ورتاعا تاڭەرتەڭ جانە كەشكە كولىك قاتىنايدى. سونداي-اق تابيعي اپاتتان زارداپ شەككەن باسپانالار شىعىنى وتەلەدى. بۇگىن ۇلىتاۋ وبلىسىنىڭ اكىمى بەرىك ءابدىعالي ۇلى ءۇي-جايىن قىزىل سۋ شايعان تالدىسايلىقتارمەن كەزدەسىپ، كورسەتىلەتىن كومەك تۇرلەرىن ايتتى.