جاڭارقا اۋدانىنا كەلگەن دەلەگاتسيا وكىلدەرى مىناداي مالىمەتتەردەن حاباردار بولدى. 2023 -جىلدىڭ جەلتوقسانىندا جانە 2024 -جىلدىڭ اقپانىندا اۋا تەمپەراتۋراسى تومەندەپ، جايىلىمدىق جەرلەردە مۇز قاتىپ، جىلقىلاردىڭ جايىلۋى قيىنداعان. سونىڭ سالدارىنان جاس جانە كارى مالدار قىرىلىپ قالدى. اۋىل شارۋاشىلىعى جانۋارلارىن بىردەيلەندىرۋدىڭ مالىمەتتەر بازاسىنا سايكەس، اۋداندا 84,2 مىڭ باس جىلقى بار.
جاڭاارقا اۋىلى مەن قاراجال قالاسى اراسىنداعى جولدان 23 جىلقىنىڭ ولىگى تابىلدى. ولاردا بىردەيلەندىرۋ نومىرلەرى بولماعان جانە جىلقىلار بىردەيلەندىرۋ بازاسىندا دا جوق بولىپ شىقتى. جانۋارلاردىڭ ولىكتەرى ارنايى ورىنعا جەتكىزىلدى.
بۇعان قوسا، جاڭاارقا اۋدانىندا بىردەيلەندىرۋ ءنومىرى جوق 44 جىلقى انىقتالدى. وسىلايشا، ولگەن 67 جىلقىنىڭ بىردەيلەندىرۋ ءنومىرى جوق بولىپ شىقتى. وسىعان قاراي ولاردىڭ يەلەرىن دە انىقتاۋ مۇمكىن بولماي وتىر. ال ۆەتەرينارلىق ستانسيالارعا جىلقىلاردىڭ ولگەنى تۋرالى رەسمي شاعىم تۇسپەگەن.
«ۇلىتاۋ وبلىسىندا 2 مىڭ باس جىلقىنىڭ جانە جاڭاارقا اۋدانىنداعى جىلقىلاردىڭ تەڭ جارتىسى قىرىلعانى تۋرالى مالىمەت راستالعان جوق. قازىرگى تاڭدا قۇزىرلى ورگان وكىلدەرى جىلقىلاردىڭ ولىكتەرىن تاۋىپ، ولاردى جويۋ جۇمىستارىن جۇرگىزىپ جاتىر. جاعداي ۇلىتاۋ وبلىسىنداعى اۋداندىق ايماقتىق ينسپەكسيالاردىڭ باقىلاۋىندا»، - دەلىنگەن حابارلامادا.