ۇلىتاۋ وبلىسىندا 15 اۋىل ىشىمدىكتەن باس تارتتى
استانا. KAZINFORM - ۇلىتاۋ وبلىسىندا ءبىرقاتار اۋىل ىشىمدىكتەن تولىقتاي باس تارتۋ تۋرالى شەشىم قابىلدادى.
ق ر ءى ءى م باسپا ءسوز قىزمەتى مالىمەتىنشە، ۇلىتاۋ وبلىسىندا ءبىرقاتار اۋىل اقساقالدارى مەن جاستارى بىرىگىپ، ىشىمدىكتەن تولىقتاي باس تارتۋ تۋرالى شەشىم قابىلداعان. بۇل باستاما اۋىلدارداعى وتباسىلىق كەلىسپەۋشىلىكتەر مەن قىلمىستىڭ كۇرت ازايۋىنا الىپ كەلدى، سالاۋاتتى ءومىر سالتىنا بەت بۇرۋدىڭ جارقىن ۇلگىسىن كورسەتتى.
ۇلىتاۋ وبلىسى بويىنشا ىشىمدىكسىز اۋىلدار قاتارىنا مىنا ەلدى مەكەندەر كىرەدى: بايقوڭىر، العاباس، تالدىبۇلاق، اقتاستى ساكەن، قاراعاش، اقتۇبەك، اقتاۋ، قىلىش، جۇماجانوۆ، ورىنباي، اينابۇلاق، اقتاي، جاڭاتالاپ، قارامولا، بايعۇل اۋىلدارى.
بۇل اۋىلداردا ىشىمدىك ونىمدەرىن ساتۋعا قاتاڭ تىيىم سالىنعان. بۇل شەشىم اۋىل اقساقالدارىنىڭ باستاماسىمەن قابىلدانعان جانە جەرگىلىكتى جاستار تاراپىنان دا تولىقتاي قولداۋ تاپقان.
اۋىل اقساقالدارىنىڭ پاراساتتىلىعى مەن جاستاردىڭ بەلسەندىلىگى ارقاسىندا ىشىمدىكسىز ءومىر سالتى قالىپتاسىپ، اۋىلدارداعى الەۋمەتتىك احۋال ايتارلىقتاي جاقساردى. مۇنداي قادامعا بارعاننان بەرى بۇل اۋىلداردا وتباسىلىق جانجالدار مەن قىلمىستىق وقيعالار بولماعان.
ايتا كەتەيىك، ىشكى ىستەر مينيسترلىگىنىڭ باستاماسىن قولداپ، سالاۋاتتى ءومىر سالتىن ۇستانۋعا نيەتتى اۋىلداردىڭ قاتارى تۇركىستان وبلىسىندا دا ارتىپ كەلەدى.