ەلىمىزدىڭ 12 وبلىسىندا اۋا رايىنا بايلانىستى ەسكەرتۋ جاريالاندى

استانا. KAZINFORM -  سينوپتيكتەر قازاقستاننىڭ 12 وبلىسىندا كۇن رايىنا بايلانىستى ەسكەرتۋ جاريالادى.

«قازگيدرومەت» ر م ك اقپاراتىنا سايكەس، 24-قاڭتار كۇنى شىمكەنتتە تۇمان تۇسەدى.

اباي وبلىسىنىڭ وڭتۇستىگىندە، ورتالىعىندا - جاياۋ بۇرقاسىن. وڭتۇستىك- شىعىستان جەل سوعىپ، وبلىستىڭ وڭتۇستىگىندە، ورتالىق بولىگىندە جەل جىلدامدىعى سەكۋندىنا 15-20 مەترگە، ەكپىنى 23-28 م/س دەيىن جەتەدى.

اقمولا وبلىسىنىڭ سولتۇستىگى مەن شىعىسىندا تۇمان تۇسەدى.

شىعىس قازاقستان وبلىسىنىڭ وڭتۇستىك- شىعىسىندا، ورتالىق بولىگىندە جاياۋ بۇرقاسىن جۇرەدى. شىعىستان، وڭتۇستىك- شىعىستان جەل سوعىپ، وبلىستىڭ وڭتۇستىك- شىعىسىندا، ورتالىعىندا جىلدامدىعى 15-20 م/س، ەكپىنى 25 م/س بولادى.

باتىس قازاقستان وبلىسىنىڭ باتىسىندا، سولتۇستىگىندە تۇمان تۇسەدى.

جامبىل وبلىسىنىڭ وڭتۇستىگىندە، تاۋلى اۋداندارىندا تۇمان بولجانىپ وتىر. وڭتۇستىك- شىعىستان جەل سوعىپ، ءوڭىردىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا جىلدامدىعى 15-20 م/س، ەكپىنى 23 م/س دەيىن جەتەدى.

جەتىسۋ وبلىسىندا وڭتۇستىك- شىعىستان جەل سوعىپ، الاكول كولى اۋدانىندا ەكپىنى 15-20، كەي كەزدەرى 23-28 م/س بولادى.

قىزىلوردا وبلىسىنىڭ وڭتۇستىك، سولتۇستىك، ورتالىق بولىگىندە كوكتايعاق بولىپ، تۇمان تۇسەدى.

ماڭعىستاۋ وبلىسىنىڭ وڭتۇستىگىندە، شىعىسىندا كۇندىز كوكتايعاق بولادى.

سولتۇستىك قازاقستان وبلىسىنىڭ سولتۇستىگىندە، باتىسىندا تۇمان تۇسەدى.

تۇركىستان وبلىسىنىڭ باتىسىندا، تاۋلى جانە تاۋ بوكتەرىندەگى اۋدانداردا تۇمان ساقتالادى. وڭتۇستىك- باتىستان سوعاتىن جەل باعىتى شىعىسقا اۋىسىپ، تاۋ اسۋلارىندا جىلدامدىعى سەكۋندىنا 15-20 مەترگە دەيىن جەتەدى

ۇلىتاۋ وبلىسىنىڭ سولتۇستىگىندە، شىعىسىندا جاياۋ بۇرقاسىن، كوكتايعاق بولجانىپ وتىر. وبلىستىڭ ورتالىعىندا تۇمان تۇسەدى.

 

 

اۆتور
زارينا تۋعانبايەۆا