ەلىمىزدىڭ وڭتۇستىگىندە ورمەكشىنىڭ ەكى جاڭا ءتۇرى انىقتالدى
استانا. KAZINFORM - عالىمدار ەلىمىزدىڭ وڭتۇستىك وڭىرىندەگى قىزىلقۇم شولىندە ورمەكشىنىڭ ەكى جاڭا ءتۇرىن انىقتادى.
ق ر زوولوگيا ينستيتۋتى قىزىلقۇم اۋماعىندا ءومىر سۇرەتىن ورمەكشىلەر تۋرالى قىزىقتى ماتەريال جيناپ، تىڭ مالىمەتتەر تاپتى.
«ءبىزدىڭ ارحەولوگتار ورمەكشىنىڭ 54 ءتۇرىن تاپتى. ولاردىڭ 27 ءتۇرى (بارلىعىنىڭ P) اتالعان شولدە بار ەكەنى العاش رەت انىقتالدى، 10 ءتۇرى () قازاقستان اۋماعىندا بۇرىن بايقالماعان. ولاردىڭ تىرشىلىك ورتاسىنا وزبەكستان، قىرعىزستان، تۇرىكمەنستان مەن يران ەلدەرىنىڭ اۋماعى جاتادى. ورمەكشىنىڭ ەكى ءتۇرىن عالىمدار بىلمەيتىن بولىپ شىقتى. ولار Anagraphis karamola جانە Drassodes babenkoi دەپ سيپاتتالىپ، سولاي اتالاتىن بولدى. ەكى ءتۇرى دە جەردە تىرشىلىك ەتەتىن Gnaphosidae تۇقىمىنا جاتادى. ولار كوبىنە تۇندە بەلسەندى ارەكەت ەتەتىن كورىنەدى. ال كۇندىز جارىقتان تاسا جەردە (تاستاردىڭ تۇبىندە، وزگە جانۋارلاردىڭ ىنىندە، جاستاستاردىڭ اراسىندا) جاتادى. وسىعان دەيىن ولار كوزگە تۇسپەگەن» ، - دەلىنگەن ماتەريالدا.