ەلىمىزدەگى ەڭ تومەن جالاقىنىڭ ءادىل دەڭگەيىن بەلگىلەۋ: زاڭ جوباسى ازىرلەندى
استانا. KAZINFORM – ق ر ەڭبەك جانە حالىقتى الەۋمەتتىك قورعاۋ مينيسترلىگى «دامۋشى ەلدەردى ەرەكشە ەسكەرە وتىرىپ، ەڭ تومەن جالاقىنى بەلگىلەۋ تۋرالى كونۆەنتسيانى (131-كونۆەنتسيا) راتيفيكاتسيالاۋ تۋرالى» زاڭ جوباسىن ازىرلەدى.
قۇجات 2024 -جىلعى 8-تامىزعا دەيىن جاريا تالقىلاۋ ءۇشىن «اشىق ن ق ا» پورتالىندا ورنالاستىرىلعان.
زاڭ جوباسىن قابىلداۋ قىزمەتكەرلەر مەن ولاردىڭ ءۇي شارۋاشىلىقتارىنىڭ قاجەتتىلىكتەرىن ەسكەرە وتىرىپ، ەڭ تومەن جالاقىنىڭ ءادىل دەڭگەيىن بەلگىلەۋگە مۇمكىندىك بەرەدى، ەڭ تومەن جالاقى دەڭگەيىن بەلگىلەۋ بولىگىندە حالىقارالىق ستاندارتتاردى ودان ءارى ەنگىزۋدى قامتاماسىز ەتەدى جانە قازاقستاننىڭ وسى سالاداعى حالىقارالىق نورمالاردى ساقتاۋعا جانە ورىنداۋعا بەيىلدىلىگىن راستايدى.
زاڭ جوباسىن قابىلداۋ تەرىس الەۋمەتتىك- ەكونوميكالىق جانە/نەمەسە قۇقىقتىق سالدارعا اكەپ سوقپايدى.
قۇجاتپەن تولىعىراق «اشىق ن ق ا» پورتالىندا تانىسۋعا بولادى.
اۆتور
ەربول جانات