ەلىمىزدىڭ سولتۇستىگىندە بۇرشاق جاۋىپ، وڭتۇستىگىندە داۋىل تۇرادى - قازگيدرومەت

استانا. KAZINFORM - «قازگيدرومەت» ر م ك- سى ماۋسىمنىڭ 20 سى كۇنگى كۇن رايى بولجامىن جاريالادى.

كاسىپورىننىڭ بولجامىنا قاراعاندا، ەلىمىزدىڭ باتىسىندا، شىعىسىندا، ورتالىعىندا انتيتسيكلوننىڭ اسەرىنەن كۇن جاۋىن-شاشىنسىز بولادى.

قازاقستاننىڭ قالعان بولىگىندە كۇن ءالى دە قۇبىلمالى، اتموسفەرالىق اعىنداردىڭ وتۋىنە وراي نايزاعاي ويناپ، جاڭبىر جاۋادى، ەلىمىزدىڭ سولتۇستىگىندە، سولتۇستىك-باتىسىندا بۇرشاق جاۋىپ، وڭتۇستىگىندە داۋىل تۇرادى. رەسپۋبليكا بويىنشا جەل كۇشەيەدى.

كۇندىز اتىراۋ، ماڭعىستاۋ، قىزىلوردا وبلىستارىندا، باتىس قازاقستان، اقتوبە، قوستاناي وبلىستارىنىڭ وڭتۇستىگىندە اپتاپ ىستىق بولادى، ۇلىتاۋ، تۇركىستان وبلىسىنىڭ ءشولدى اۋداندارىندا قاتتى ىستىق كۇتىلەدى.

اقتوبە، الماتى وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، ورتالىعىندا، قاراعاندى وبلىسىنىڭ باتىسىندا، ورتالىعىندا، باتىس قازاقستان وبلىسىنىڭ باتىسىندا، سولتۇستىگىندە، ورتالىعىندا، اقمولا وبلىسىنىڭ باتىسىندا، وڭتۇستىگىندە، شىعىس قازاقستان وبلىسىنىڭ وڭتۇستىگىندە، قىزىلوردا وبلىسىنىڭ سولتۇستىك- شىعىسىندا، ماڭعىستاۋ وبلىسىنىڭ جاعالاۋىندا، جەتىسى وبلىسىنىڭ سولتۇستىگىندە جوعارى ءورت قاۋىپى ساقتالادى.

اتىراۋ، ماڭعىستاۋ، تۇركىستان، جامبىل، قىزىلوردا، ۇلىتاۋ وبلىستارىندا، باتىس قازاقستان وبلىسىنىڭ وڭتۇستىك-باتىسىندا، وڭتۇستىگىندە، اقتوبە وبلىسىنىڭ باتىسىندا، وڭتۇستىگىندە، الماتى وبلىسىنىڭ سولتۇستىك جارتىسىندا، قوستاناي، قاراعاندى، اباي وبلىستارىنىڭ وڭتۇستىگىندە، جەتىسۋ وبلىسىنىڭ شىعىسىندا توتەنشە ءورت قاۋىپى ساقتالادى.