ەلىمىزدىڭ سۋ قويمالارىنداعى جاعداي قانداي

استانا. KAZINFORM - سۋ رەسۋرستارى جانە يرريگاتسيا مينيسترلىگى تاسقىن سۋىن قابىلداۋ جانە قاۋىپسىز وتكىزۋ ءۇشىن ەلىمىزدىڭ سولتۇستىك، باتىس، شىعىس جانە ورتالىق ايماقتارىنداعى ءىرى سۋ قويمالارىنان سۋ جىبەرىپ جاتىر.

7-ءساۋىر كۇنگى جاعداي كەلەسىدەي:

اقتوبە، قوستاناي جانە باتىس قازاقستان وبلىستارىنىڭ سۋ قويمالارىندا سۋ تاسقىنىنىڭ بەلسەندى كەزەڭى اياقتالدى.

اقمولا وبلىسىندا استانا سۋ قويماسىنان سەكۋندىنا 260 تەكشە مەتر، سىلەتى سۋ قويماسىنان 151,74 تەكشە مەتر، شاعالالى سۋ قويماسىنان سەكۋندىنا 20 تەكشە مەتر سۋ جىبەرىلۋدە.

شىعىس قازاقستان وبلىسىندا بۇقتىرما سۋ قويماسىنان سەكۋندىنا 561 تەكشە مەتر، ال، وسكەمەن سۋ قويماسىنان 450 تەكشە مەتر سۋ جىبەرىلۋدە.

اباي وبلىسىنداعى ءشۇلبى سۋ قويماسىنان سەكۋندىنا 750 تەكشە مەتر سۋ جىبەرىلۋدە.

قاراعاندى وبلىسىندا ىنتىماق سۋ قويماسىنان سەكۋندىنا 8 تەكشە مەتر، سامارقاند سۋ قويماسىنان 2 تەكشە مەتر سۋ جىبەرىلۋدە.

ۇلىتاۋ وبلىسى كەڭگىر سۋ قويماسىنان سەكۋندىنا 284,2 تەكشە مەتر سۋ جىبەرىلۋدە.

سولتۇستىك قازاقستان وبلىسىندا سەرگەيەۆ سۋ قويماسىنان سەكۋندىنا 1202,4 تەكشە مەتر، پەتروپاۆل سۋ قويماسىنان 781 تەكشە مەتر سۋ جىبەرىلۋدە.

ايتا كەتەيىك، تۇندە سۋ تاسقىنى سالدارىنان اقمولانىڭ ستارىي كولۋتون اۋىلىندا كولىك قاتىناسى ءۇزىلدى.