ەلىمىزدىڭ سۋ ماماندارى قىتاي جانە فرانسيادا بىلىكتىلىگىن ارتتىراتىن بولدى
استانا. KAZINFORM - سۋ رەسۋرستارى جانە يرريگاتسيا مينيسترلىگى قىتاي جانە فرانسيامەن قازاقستاندىق سۋ ماماندارىن بىلىكتىلىك ارتتىرۋ كۋرستارىنان وتكىزۋ تۋرالى كەلىسىمگە كەلدى.
سۋ رەسۋرستارى جانە يرريگاتسيا مينيسترلىگى 2025 -جىلى قازاقستاندىق سۋ سالاسىنىڭ ماماندارىن قىتاي مەن فرانسيادا بىلىكتىلىك ارتتىرۋ كۋرستارىنان وتكىزۋ تۋرالى كەلىسسوز جۇرگىزۋدە. بۇل تۋرالى ۆەدومستۆو باسشىسى نۇرجان نۇرجىگىتوۆ قاراعاندى وبلىسىنىڭ تۇرعىندارىمەن كەزدەسۋى كەزىندە مالىمدەدى.
«بىلىكتى مامانداردىڭ جەتىسپەۋشىلىگى - كۇن تارتىبىندەگى ماسەلە، سوندىقتان كادر دايارلاۋ - ءبىزدىڭ جۇمىسىمىزدىڭ ماڭىزدى باعىتتارىنىڭ ءبىرى. بيىل «قازسۋشار» مەكەمەسىنىڭ 450 مامانى بىلىكتىلىك ارتتىرۋ كۋرستارىنان وتۋدە. ال تارازدا ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلدى. «بولاشاق» باعدارلاماسىنا سۋ ماماندىقتارى ەنگىزىلدى. سونىمەن قاتار، بيىل 523 تۇلەك سۋ سالاسى ماماندىقتارى بويىنشا گرانتقا ءتۇستى. بۇل وتكەن جىلدان ەكى ەسە كوپ»، - دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.