ەلىمىزدەگى مەكتەپتەردە تاماقتانۋدىڭ جاڭا مودەلى ەنگىزىلدى
ەلىمىزدە ازىرلەنگەن جاڭا مودەل مەكتەپتە تاماقتانۋ مادەنيەتىن قالىپتاستىرۋدىڭ كەزەڭدىك ءىس- شارالار كەشەنىن قامتيدى. ەلىمىزدە ازىرلەنگەن جاڭا مودەل مەكتەپتە تاماقتانۋ مادەنيەتىن قالىپتاستىرۋدىڭ كەزەڭدىك ءىس- شارالار كەشەنىن قامتيدى. پيلوتتىق جوبا استانا قالاسىنىڭ التى مەكتەبىندە جۇزەگە اسىرىلىپ جاتىر، دەپ حابارلايدى Kazinform.
اتالعان مودەل وقۋ-اعارتۋ مينيسترلىگىنىڭ باستاماسىمەن ۇلتتىق سالاۋاتتى تاماقتانۋ ورتالىعىمەن بىرلەسىپ قۇرىلدى.
ءبىرىنشى كەزەڭدە مەكتەپتەگى تاماقتانۋدى ۇيىمداستىرۋدى باعالاۋ جانە تالداۋ ماقساتىندا بالالاردىڭ مەكتەپ اسحاناسىنداعى مىنەز- قۇلقىنىڭ ۇلگىلەرىن بايقاپ، زەرتتەۋ، انتروپومەتريالىق كورسەتكىشتەردى ولشەۋ (بويى، سالماعى) جانە دۇرىس تاماقتانۋ قاعيداتتارىن بىلۋگە ساۋالناما جۇرگىزىلەدى.
ەكىنشىسىندە سالاۋاتتى ءومىر سالتى سالاسىنداعى ءبىلىم مەن تاجىريبەنى بايىتۋ ءۇشىن جەتكىزۋشىلەردى، مەكتەپ پەرسونالىن، وقۋشىلاردى جانە ولاردىڭ اتا-انالارىن وقىتۋ ۇيىمداستىرىلادى.
ءۇشىنشى كەزەڭ بالالاردىڭ دۇرىس تاماقتانۋىنا جانە فيزيولوگيالىق قاجەتتىلىكتەرىن ەسەپكە الۋعا باسا نازار اۋدارا وتىرىپ، وقۋشىلاردىڭ تاماقتانۋىن رەتتەيتىن نورماتيۆتىك- قۇقىقتىق قۇجاتتاردى ۇيلەستىرۋدى بىلدىرەدى.
ءتورتىنشى كەزەڭدە بالالاردىڭ دەنساۋلىعىن ساقتاۋعا باعىتتالعان مەكتەپتە تاماقتانۋدىڭ جاڭا مودەلىن ازىرلەۋ كوزدەلىپ وتىر. بۇل ۇدەرىس دەنساۋلىقتى ساقتاۋعا ىقپال ەتەتىن ءبىلىم بەرۋ ورتاسىن قالىپتاستىرۋ ماقساتىندا ۇيلەستىرىلگەن ءتاسىلدى قامتاماسىز ەتپەك.
سوڭعى كەزەڭ - ەنگىزىلگەن وزگەرىستەردىڭ مونيتورينگى جانە تيىمدىلىگىن باعالاۋ.
ايتا كەتەيىك، بۇعان دەيىن وقۋ-اعارتۋ مينيسترلىگى تاماقتانۋدى ۇيىمداستىرۋدىڭ قاۋىپسىز جاعدايلارىنا اسەر ەتەتىن كريتەريلەردى زەرتتەگەن بولاتىن. سوعان سايكەس ۇلتتىق داستۇرگە جانە وڭىردە وندىرىلەتىن وتاندىق ونىمدەردىڭ اسسورتيمەنتىنە سايكەس ءمازىر ازىرلەندى.
وسى جىلدىڭ 1-قىركۇيەگىنەن باستاپ العاش رەت 1,6 ميلليوننان استام وقۋشى، ونىڭ ىشىندە 1,4 ميلليوننان استام باستاۋىش سىنىپ وقۋشىلارى جانە 220 مىڭ ح ءا و ت ساناتىنداعى 5-11-سىنىپ وقۋشىلارى تەگىن تاماقپەن قامتىلدى.
اۆتور
ەلميرا ورالبايەۆا