ەلىمىزدىڭ كەيبىر ايماقتارىندا اپتاپ ىستىق بولادى

استانا. KAZINFORM - قازگيدرومەت سينوپتيكتەرى 11-ماۋسىم، سەيسەنبىگە ارنالعان اۋا رايى بولجامىن جاريالادى. قازاقستان تەرريتورياسىنىڭ باسىم بولىگىنە ءالى دە اتموسفەرالىق فرونتتار ءوز اسەرىن تيگىزەدى.

وسىعان بايلانىستى نايزاعاي جارقىلداپ، جاڭبىر جاۋادى. 11-12-ماۋسىم كۇندەرى جاۋىن- شاشىن ەلىمىزدىڭ شىعىس ايماقتارىندا كۇتىلسە، 13-ماۋسىم كۇنى قازاقستاننىڭ ورتالىق بولىكتەرىندە جاڭبىر جاۋادى.

ەلىمىزدىڭ سولتۇستىك بولىگىندە تەرمومەتر باعانى 20+25+ گرادۋس كورسەتسە، شىعىس پەن ورتالىق ايماقتاردى اۋا تەمپەراتۋراسى 22+32+ گرادۋستەن 18+26+  گرادۋسقا دەيىن تومەندەۋى مۇمكىن. ال، ەلىمىزدىڭ وڭتۇستىك ايماقاتارىندا اپتاپ ىستىق 33+40+ گرادۋستەن 25+35+ گرادۋسقا دەيىن تومەندەسە، باتىس وڭىرىندە تەرمومەتر باعانى كەرىسىنشە 33+40+ گرادۋسقا دەيىن جوعارىلايدى دەپ بولجانعان.

اۆتور
باقىتگۇل اباي قىزى