ەلىمىزدىڭ شىعىسىندا قاتتى جاۋىن- شاشىن ءتۇسىپ، جەل تۇرادى

 قازگيدرومەت ەل اۋماعىندا 15-قازاندا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Kazinform.

"ەلىمىزدىڭ سولتۇستىك- باتىسىندا، سولتۇستىگىندە، شىعىسىندا، ورتالىعىندا اۋا رايىنىڭ تۇراقسىز سيپاتى ساقتالادى. وسىعان بايلانىستى جاۋىن- شاشىن بولادى، ەلدىڭ شىعىسىندا قاتتى جاۋىن- شاشىن (جاڭبىر، قار)، ەكپىندى جەل تۇرادى. ەلدىڭ باتىسىندا، وڭتۇستىگىندە جانە وڭتۇستىك- شىعىسىندا جاۋىن- شاشىنسىز اۋا رايى كۇتىلەدى. رەسپۋبليكا بويىنشا تۇنگى جانە تاڭەرتەڭگى ساعاتتاردا تۇمان تۇسەدى"،- دەپ جازدى سينوپتيكتەر.

تۇركىستان وبلىسىنىڭ تاۋلى اۋداندارىندا 1 گرادۋسقا دەيىن ۇسىك جۇرەدى.

قىزىلوردا وبلىسىنىڭ ورتالىعىندا جوعارى ءورت قاۋپى كۇتىلەدى.