ەلىمىزدىڭ ءۇش قالاسىنان حالىق جاپپاي كوشىپ جاتىر

ۇلتتىق ستاتيستيكا بيۋروسىنىڭ مالىمەتىنشە، ەلىمىزدىڭ ءۇش قالاسىنان حالىق جاپپاي كوشىپ جاتىر. كوپشىلىك استانا، تۇركىستان سياقتى قالالارعا كوشىپ بارىپ جاتىر.

بۇل تۋرالى 31-ارنانىڭ «ينفورمبيۋرو» جاڭالىقتار باعدارلاماسى حابارلايدى.

ۇلتتىق ستاتيستيكا بيۋروسىنىڭ مالىمەتىنشە، كەيىنگى ءبىر جىلدا قونايەۆ قالاسىنىڭ حالقى 8,2 پايىز ازايعان. بۇگىندە الماتى وبلىسىنىڭ ورتالىعىندا 66 مىڭعا جەتەر جەتپەس ادام بار. ءدال سول سياقتى سەمەي جۇرتى 5,1 پايىز كەمىسە، بايقوڭىردان كوشكەندەر 3,6 پايىز بولعان.

ال استانا ماڭىنداعى قوسشى قالاسىندا كەرىسىنشە، حالىق سانى قارقىندى ءوسىپ كەلەدى. ماسەلەن، مۇندا ءبىر جىل ىشىندە 62 مىڭ ادام كوشىپ كەلگەن. ەكىنشى ورىندا - استانا قالاسى. قازىر ەلوردادا 1,55 ميلليون ادام تۇرادى. تۇركىستان دا وسى ءتىزىمنىڭ قاتارىندا. مۇندا حالىقتىڭ سانى 240 مىڭعا جەتكەن.