ەلىمىزدىڭ باسىم بولىگىندە قار جاۋادى - قازگيدرومەت
08:49, 03 - اقپان 2025
استانا. KAZINFORM - «قازگيدرومەت» ر م ك- سى اقپاننىڭ 3 ءى كۇنگى كۇن رايى بولجامىن جاريالادى.
كاسىپورىن تاراتقان دەرەكتەرگە قاراعاندا، فرونتالدى بولىكتەردىڭ وتۋىنە وراي، تۇندە سولتۇستىكتە، ەلدىڭ ورتالىعىندا، شىعىسىندا قار جاۋادى، باتىسىندا ازداعان جاۋىن-شاشىن (جاڭبىر، قار)، كۇندىز سولتۇستىگىندە ازداعان جاۋىن- شاشىن (جاڭبىر، قار)، باتىسىندا جاۋىن- شاشىن (جاڭبىر، قار) بولادى.
رەسپۋبليكانىڭ وڭتۇستىگىندە عانا انتيسيكلون سىلەمىنىڭ اسەرىنەن كۇن جاۋىن- شاشىنسىز بولادى.
قازاقستان بويىنشا تۇمان ءتۇسىپ، ەلدىڭ سولتۇستىگىندە، باتىسىندا كوكتايعاق بولادى، سولتۇستىگىندە، وڭتۇستىك- شىعىسىندا، ورتالىعىندا - جاياۋ بۇرقاسىن، وڭتۇستىك- شىعىسىندا، ورتالىعىندا كۇشەيەدى.