ەلىمىزدەگى بانان وسىرەتىن ەڭ ءىرى جىلىجاي كەشەنىن تۇرىك ينۆەستورلارى سالعان

ەلىمىزدەگى بانان وسىرەتىن ەڭ ءىرى جىلىجاي تۇركىستان وبلىسىنىڭ سايرام اۋدانىندا ورنالاسقان. قايناربۇلاق اۋىلىنداعى اۋماعى 5 گەكتار بولاتىن جىلىجاي كەشەنىن تۇرىك ينۆەستورلارى سالدى. مۇندا ەلىمىزدىڭ كليماتتىق جاعدايىنا بەيىمدەلگەن بانان سورتى وسەدى، دەپ حابارلايدى قازاقپارات.

كاسىپكەر «جىلۋ مەن ىلعالدىلىعى دۇرىس بولسا، تروپيكالىق جەمىس اسا كۇتىمدى قاجەت ەتپەيدى»، - دەيدى. قىستىڭ كۇنى اۋا تەمپەراتۋراسىن 16 گرادۋستان تومەن تۇسىرمەيدى. كاسىپكەر العاشقى ءونىمدى 6 ايدان كەيىن جيناۋدى جوسپارلاپ وتىر. جىلى- جاي جىلىنا، شامامەن مىڭ توننا بانان الۋعا مۇمكىندىك بەرەدى. بۇل ىشكى نارىق قاجەتتىلىگىنىڭ % 1- ن قامتاماسىز ەتەدى. كەشەن تولىق كليماتتىق باقىلاۋ مەن بەيىمدەلگىش قورەكتەندىرۋ جۇيەسىمەن جابدىقتالعان. جوبا قۇنى - 4 ميلليون دوللار. كاسىپكەرالداعى ۋاقىتتا باسقا دا تروپيكالىق جەمىس تۇرلەرىن ءوسىرۋدى جوسپارلاپ وتىر.

يسلام اليەۆ، ينۆەستور:

- الداعى ۋاقىتتا مانگو، اۆوكادو، اناناس سىندى جەمىس تۇرلەرىن ءوندىرۋدى قولعا الماقپىز. ءبىراق ولار باسقا جىلىجايعا ەگىلەدى. سەبەبى بانان مەن مانگو ىلعالدىلىقتى جاقسى كورسە، اۆوكادو مەن اناناس قۇرعاق اۋا رايىندا جاقسى وسەدى. كۇتىمدى دە ءارتۇرلى قاجەت ەتەدى. ونى ءوسىرۋدىڭ تەحنولوگياسى مۇلدەم بولەك. ءبىز وسىلايشا تروپيكالىق جەمىستەردى قازاقستاندا ءوسىرىپ، سىرتتان كەلەتىن جەمىستەرمەن باسەكەلەس بولا الامىز.

www.24.kz