ەلىمىزدىڭ التى وبلىسىندا اۋا رايىنا بايلانىستى ەسكەرتۋ جاريالاندى

استانا. قازاقپارات - 2-قازاندا قازاقستاننىڭ التى وبلىسىندا كۇن رايىنا بايلانىستى ەسكەرتۋ جاريالاندى.

اباي اۋدانىندا وڭتۇستىك-شىعىستان سوعاتىن جەل باعىتى سولتۇستىكتە كۇندىز سولتۇستىك-باتىسقا اۋىسادى، وبلىس ورتالىعىندا جەلدىڭ سەكۋندىنا 15-20 مەترگە دەيىن سوعۋى بولجانىپ وتىر.

وبلىستىڭ سولتۇستىگىندە، شىعىسىندا جانە ورتالىعىندا جوعارى ءورت قاۋپى ساقتالادى، ال وڭتۇستىك بولىگىندە وتە جوعارى ءورت قاۋپى بار. سەمەيدە جوعارى ءورت قاۋپى ساقتالادى.

اقتوبە وبلىسىندا سولتۇستىك- شىعىستان جەل سوعىپ، سولتۇستىكتە، شىعىستا، وبلىس ورتالىعىندا ەكپىنى 15-20 م/س دەيىن كۇشەيەدى. وبلىستىڭ سولتۇستىگى مەن سولتۇستىك-شىعىسىندا ءورت شىعۋ قاۋپى جوعارى، وبلىستىڭ باسىم بولىگىندە وتە جوعارى ءورت قاۋپى ساقتالادى. اقتوبەدە سولتۇستىك-شىعىستان جەل سوعادى، كۇندىز ەكپىنى 15-20 م/س. ءورت قاۋپى ءالى دە جوعارى بولادى.

شىعىس قازاقستان وبلىسىنىڭ سولتۇستىگىندە، باتىسىندا، وڭتۇستىگىندە جانە ورتالىعىندا جوعارى ءورت قاۋپى ساقتالادى. وسكەمەندە دە ءورت شىعۋ قاۋپى جوعارى.

قاراعاندى وبلىسىندا سولتۇستىك-شىعىستان جەل سوعىپ، كۇندىز وبلىستىڭ باتىسى مەن سولتۇستىگىندە باعىتى سولتۇستىك-باتىسقا اۋىسادى، ەكپىنى 15-20 م/س. وبلىستىڭ باسىم بولىگىندە جوعارى ءورت قاۋپى ساقتالادى، وبلىستىڭ باتىسى مەن شىعىسىندا وتە جوعارى ءورت قاۋپى بار.

قوستاناي وبلىسىندا وبلىستىڭ باتىسىندا، وڭتۇستىگىندە، شىعىسىندا سولتۇستىك-شىعىستان سوعاتىن جەلدىڭ ەكپىنى 15-20 م/س دەيىن جەتەدى. وبلىستىڭ وڭتۇستىگىندە جوعارى ءورت قاۋپى ساقتالادى.

قىزىلوردا وبلىسىنىڭ باسىم بولىگىندە وتە جوعارى ءورت قاۋپى ساقتالادى، وبلىستىڭ سولتۇستىك-باتىسىندا دا ءورت قاۋپى جوعارى. قىزىلوردادا وتە جوعارى ءورت قاۋپى ساقتالادى.