ەلىمىزدىڭ 8 وڭىرىندە ۇسىك جۇرەدى

استانا. KAZINFORM - «قازگيدرومەت» رمك ەل اۋماعىندا 19-قىركۇەيەكتە بولاتىن قاۋىپتى مەتەورولوگيالىق قۇبىلىستارعا بولجام جاسادى.

كەڭ انتيسيكلون ق ر كوپ بولىگىندە جاۋىن- شاشىنسىز اۋا رايىن ساقتايدى. ەلدىڭ وڭتۇستىگىندە، وڭتۇستىك- شىعىسىندا فرونتالدى بولىمدەردىڭ اسەرىنەن نايزاعاي ويناپ، جاڭبىر جاۋادى. رەسپۋبليكا بويىنشا جەل كۇشەيەدى دەپ كۇتىلەدى. سولتۇستىكتە، شىعىستا، وڭتۇستىك- شىعىستا تاۋلى ايماقتاردا تۇندە جانە تاڭەرتەڭ تۇمان تۇسەدى.

«شىعىس قازاقستان، اباي وبلىستارىندا، اقمولا، سولتۇستىك قازاقستان وبلىسىنىڭ سولتۇستىگىندە، شىعىسىندا، قوستاناي وبلىسىنىڭ باتىسىندا، سولتۇستىگىندە، پاۆلودار وبلىسىنىڭ وڭتۇستىگىندە، قاراعاندى وبلىسىنىڭ شىعىسىندا، جەتىسۋ وبلىسىنىڭ تاۋلى اۋداندارىندا 1-6 گرادۋس ۇسىك جۇرەدى»، - دەپ جازدى سينوپتيكتەر.

اقتوبە، قاراعاندى، ۇلىتاۋ وبلىستارىندا، جەتىسۋ وبلىسىنىڭ باتىسىندا، باتىس قازاقستان وبلىسىنىڭ سولتۇستىگىندە، سولتۇستىك- شىعىسىندا، قىزىلوردا وبلىسىنىڭ سولتۇستىك- باتىسىندا، جامبىل وبلىسىنىڭ وڭتۇستىك- باتىسىندا، وڭتۇستىك- شىعىسىندا، باتىسىندا، وڭتۇستىگىندە، شىعىس قازاقستان وبلىسىنىڭ ورتالىعىندا، قوستاناي وبلىسىنىڭ وڭتۇستىگىندە جوعارى ءورت قاۋپى ساقتالادى.

ماڭعىستاۋ، اتىراۋ، تۇركىستان، قىزىلوردا، جامبىل، باتىس قازاقستان وبلىستارىندا، قاراعاندى وبلىسىنىڭ باتىسىندا، شىعىسىندا، ۇلىتاۋ وبلىسىنىڭ سولتۇستىگىندە، وڭتۇستىگىندە، اباي وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە، ورتالىعىندا، اقتوبە وبلىسىنىڭ باتىسىندا، وڭتۇستىگىندە، الماتى وبلىسىنىڭ سولتۇستىگىندە، باتىسىندا توتەنشە ءورت قاۋپى ساقتالادى.