ەلىمىزدىڭ 5 وبلىسىنداعى رەسپۋبليكالىق 11 جولدا كولىك قوزعالىسى شەكتەلدى
09:55, 15 - ءساۋىر 2024
استانا. KAZINFORM - قازاۆتوجول رەسپۋبليكالىق ماڭىزى بار جولدارداعى سۋ تاسقىنى جاعدايى تۋرالى اقپاراتتى تاراتتى.
15-ءساۋىر ساعات 09:00- دەگى جاعداي بويىنشا حالىقارالىق جانە رەسپۋبليكالىق ماڭىزى بار اۆتوموبيل جولدارىندا كۇننىڭ جىلىنۋى مەن قاردىڭ ەرۋىنە بايلانىستى 3 وبلىستا جالپى ۇزىندىعى 5280 مەتر 9 ۋچاسكەدە ەرىگەن سۋدىڭ جول جيەگىنەن شىعىپ كەتۋ وقيعالارى تىركەلگەن. (اقمولا، قوستاناي، سولتۇستىك قازاقستان وبلىسى).
« ەلىمىزدىڭ 5 وبلىسىندا (اقتوبە، اقمولا، اتىراۋ، قوستاناي، سولتۇستىك قازاقستان وبلىسى) ۇزىندىعى 421 شاقىرىمدى قۇرايتىن رەسپۋبليكالىق ماڭىزى بار 11 جولدا كولىك قوزعالىسى شەكتەلدى»، - دەلىنگەن مالىمەتتە.
قازىرگى ۋاقىتتا رەسپۋبليكالىق جولداردا 417 بىرلىك تەحنيكا مەن 523 ادام جۇمىس ىستەپ جاتىر.