ەلىمىزدىڭ 12 وڭىرىندە اۋا رايىنا بايلانىستى ەسكەرتۋ جاريالاندى
07:55, 07 - قاراشا 2023
«قازگيدرومەت» ر م ك حابارلاۋىنشا، 7-قاراشا كۇنى استانا جانە ەلىمىزدىڭ 12 وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات اگەنتتىگى.
7-قاراشادا استانادا، قاراعاندى، قوستاناي، اقمولا جانە اقتوبە وبلىستارىندا تۇمان تۇسەدى.
تۇركىستان، جامبىل، ماڭعىستاۋ جانە باتىس قازاقستان وبلىستارىندا وڭتۇستىك- شىعىستان، شىعىستان جەل سوعىپ، كۇشى 15-20 م/س دەيىن جەتەدى.
اتىراۋ وبلىسىندا تۇمان تۇسەدى. وڭتۇستىك- شىعىستان جەل سوعىپ، باعىتىن سولتۇستىك- باتىسقا اۋىستىرادى، كۇندىز وبلىستىڭ باتىسىندا جەل ەكپىنى 15-20 م/س دەيىن جەتەدى.
ۇلىتاۋ وبلىسىندا وڭتۇستىك- شىعىستان، شىعىستان 18 م/س جىلدامدىقپەن جەل سوعادى.
وسكەمەن، ريددەر جانە سەمەيدە بولجانىپ وتىرعان قولايسىز مەتەورولوگيالىق جاعدايعا بايلانىستى قاۋىپتىڭ ەكىنشى دەڭگەيى جاريالاندى.