ەلىمىزدىڭ 11 وڭىرىندە اۋا رايىنا بايلانىستى ەسكەرتۋ جاريالاندى

قازگيدرومەت ەلىمىزدىڭ 11 وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى Kazinform.

سينوپتيكتەردىڭ بولجامى بويىنشا، 4- قاراشا كۇنى استانادا تۇندە جانە تاڭەرتەڭ تۇمان تۇسەدى.

اقمولا وبلىسىنىڭ باتىسىندا، وڭتۇستىگىندە، شىعىسىندا تۇمان تۇسەدى. وڭتۇستىك-باتىستان جەل سوعىپ، باعىتىن سولتۇستىك-باتىسقا اۋىستىرادى، وبلىستىڭ باتىسىندا، سولتۇستىگىندە جانە ورتالىعىندا جەل ەكپىنى 15-20 م/س دەيىن جەتەدى.

اقتوبە وبلىسىنىڭ سولتۇستىگىندە، وڭتۇستىك-شىعىسىندا تۇندە جانە تاڭەرتەڭ تۇمان تۇسەدى.

جەتىسۋ وبلىسىنىڭ تاۋلى اۋداندارىندا تۇندە جانە تاڭەرتەڭ تۇمان تۇسەدى. الاكول اۋدانىندا وڭتۇستىك- شىعىستان جەل سوعىپ، كۇشىن 15-20 م/س، كەي ۋاقىتتا ەكپىنى 23-28 م/س دەيىن جەتەدى.

باتىس قازاقستان وبلىسىنىڭ باتىسىندا، سولتۇستىگىندە تۇندە جانە تاڭەرتەڭ تۇمان بولادى.

قاراعاندى وبلىسىنىڭ سولتۇستىگىندە، شىعىسىندا تۇندە جانە تاڭەرتەڭ تۇمان تۇسەدى.

قوستاناي وبلىسىنىڭ باتىسىندا، سولتۇستىگىندە تۇمان تۇسەدى. وڭتۇستىك-باتىستان جەل سوعىپ، كۇندىز وبلىستىڭ سولتۇستىگى مەن شىعىسىندا جەل كۇشى 15-20 م/س بولادى.

ماڭعىستاۋ وبلىسىنىڭ باتىسىندا، وڭتۇستىگىندە تۇمان بولادى.

سولتۇستىك قازاقستان وبلىسىنىڭ سولتۇستىگىندە، شىعىسىندا كوكتايعاق بولادى. وبلىستىڭ باتىسىندا تۇمان تۇسەدى. وڭتۇستىك- باتىستان جەل سوعىپ، باعىتىن سولتۇستىك- باتىسقا اۋىستىرادى، وبلىستىڭ كوپ بولىگىندە جەلدىڭ كۇشى 15-20 م/س دەيىن جەتەدى.

ۇلىتاۋ وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەتىنى بولجانىپ وتىر.

4-6- قاراشا كۇندەرى جامبىل وبلىسىندا سولتۇستىك-شىعىستان جەل سوعىپ، وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى ايماقتارىندا كۇشى 15-20 م/س، ەكپىنى 23 م/س دەيىن جەتىپ، تۇمان بولادى.