ەلىمىزدىڭ 10 وبلىسىندا كۇن رايىنا بايلانىستى ەسكەرتۋ جاريالاندى

استانا. KAZINFORM - سينوپتيكتەر رەسپۋبليكانىڭ 10 وبلىسىندا اۋا رايىنا بايلانىستى ەسكەرتۋ جاريالادى.

«قازگيدرومەت» ر م ك-نىڭ حابارلاۋىنشا، 16-قاڭتاردا الماتىدا كەي جەرلەردە تۇمان ءتۇسىپ، كوكتايعاق بولادى.

شىمكەنتتە تۇمان تۇسەدى.

الماتى وبلىسىنىڭ وڭتۇستىگىندە، تاۋلى ايماقتارىندا كەي جەرلەردە تۇمان ءتۇسىپ، كوكتايعاق بولادى.

جامبىل وبلىسىنىڭ سولتۇستىك- شىعىسىندا، تاۋلى ايماقتارىندا جاياۋ بۇرقاسىن بولىپ، سولتۇستىك- شىعىستان جەل سوعادى، وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى ايماقتارىندا جەلدىڭ جىلدامدىعى 15-20 م/س، ەكپىنى 23 م/س دەيىن جەتەدى.

جەتىسۋ وبلىسىنىڭ ورتالىعىندا، تاۋلى ايماقتاردا تۇمان ءتۇسىپ، كوكتايعاق بولۋى ىقتيمال. الاكول كولى اۋماعىندا تۇندە سولتۇستىك- شىعىستان جەل تۇرىپ، ەكپىنى 15-20 م/س دەيىن جەتەدى.

باتىس قازاقستان وبلىسىنىڭ باتىسى مەن سولتۇستىگىندە جاياۋ بۇرقاسىن بولادى. وڭتۇستىكتەن جەل سوعىپ، كۇندىز وبلىستىڭ باتىسى مەن سولتۇستىگىندە ەكپىنى 15-20 م/س دەيىن جەتەدى.

قاراعاندى وبلىسىنىڭ وڭتۇستىگىندە تۇندە جانە تاڭەرتەڭ تۇمان تۇسەدى.

قىزىلوردا وبلىسىنىڭ وڭتۇستىگى مەن شىعىسىندا - تۇمان.

سولتۇستىك قازاقستان وبلىسىنىڭ باتىسىندا كۇندىز وڭتۇستىك- باتىستان جەل سوعىپ، ەكپىنى 15-20 م/س دەيىن جەتەدى.

تۇركىستان وبلىسىنىڭ تاۋلى ايماقتارىندا قالىڭ قار جاۋادى. وبلىستىڭ سولتۇستىگىندە، تاۋلى ايماقتارىندا بۇرقاسىن بولادى. ال باتىسىندا، سولتۇستىگىندە، تاۋلى جانە تاۋ بوكتەرىندەگى اۋداندارىندا تۇمان تۇسەدى. شىعىستان جەل سوعىپ، سولتۇستىكتە، تاۋلى ايماقتاردا ەكپىنى 15-20 م/س دەيىن جەتەدى.