استانا. KAZINFORM - ساۋىردە ەلوردا اكىمدىگى گەولوگيالىق قور قويماسىن سالۋعا جەر بولمەك. بۇل تۋرالى ونەركاسىپ جانە قۇرىلىس مينيسترلىگى گەولوگيا كوميتەتىنىڭ ءتوراعاسى ەرلان اقباروۆ ءمالىم ەتتى.
«گەولوگيا سالاسىن دامىتۋ فاكتورلارىنىڭ ءبىرى ونىڭ ءتيىستى جاعدايدا قامتاماسىز ەتىلۋى. قازىرگى ۋاقىتتا قازاقستاننىڭ بۇل سالاسى ءۇشىن گەولوگيالىق اقپاراتتى ساقتاۋدىڭ ونىڭ ىشىندە سيفرلىق تۇردە ساقتاۋدىڭ زاماناۋي ينفراقۇرىلىمى قاجەت. وسى ايدا استانا قالاسىنىڭ اكىمدىگى گەولوگيالىق قور قويماسىن سالۋعا جەر تەلىمىن بولەدى»، - دەدى ەرلان اقباروۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
كوميتەت باسشىسىنىڭ ايتۋىنشا، ءتيىستى راسىمدەردەن كەيىن ەلىمىز گەولوگيالىق اقپاراتتى ساقتاۋدىڭ زاماناۋي ينفراقۇرىلىمىمەن قامتاماسىز ەتىلمەك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.