ەلىمىزدە تولەمدى كارتامەن قابىلداۋ 1,5 ەسە ءوستى

وتكەن جىلى 11 ايدىڭ قورىتىندىسى بويىنشا ەلىمىزدە تولەم كارتالارىنىڭ سانى 38,5 ميلليونعا جەتتى، دەپ حابارلايدى Kazinform اگەنتتىگى Ranking.kz رەسۋرسىنا سىلتەمە جاساپ.

ونىڭ ىشىندە 33,5 ميلليون بىرلىك كرەديتتىك كارتا، 4,7 ميلليون بىرلىك دەبەتتىك جانە 275,7 مىڭى باسقا كارتالار. بەس جىل ىشىندە پايدالانىلاتىن تولەم كارتالارىنىڭ سانى 3,6 ەسە ءوستى.

كاسىپكەرلەر قولما-قول اقشاسىز تولەمدى قولدايدى. وتكەن جىلدىڭ ءۇش توقسانى بويىنشا ساۋدا كاسىپورىندارىندا 975,3 مىڭ POS- تەرمينالدار بولدى. سونىمەن قاتار ساۋدا نۇكتەلەرىنىڭ سانى ارتتى. تولەمدى ەكۆايەرمەن قىزمەت كورسەتۋگە شارت جاساسقان كاسىپكەرلەر سانى بىردەن 1,5 ەسە ۇلعايدى.

كاسىپكەرلىك قىزمەتىنە قاتىستى موبيلدى اۋدارىمدارعا قاتاڭ باقىلاۋ جۇرگىزىلەدى. 2023-جىلى مەملەكەتتىك كىرىستەر كوميتەتىنە بانكتەردەن ءۇش اي ىشىندە 100 ءتۇرلى تۇلعادان ءوتىنىش كەلىپ ءتۇستى. جوبا جاسىرىن كىرىستەر مەن تىركەلمەگەن كاسىپكەرلەردى انىقتاۋعا باعىتتالعان. ويتكەنى كوپتەگەن كاسىپكەر (دۇكەندەر، تاكسي جۇرگىزۋشىلەرى جانە ت. ب.) جەكە شوتتارعا موبيلدى اۋدارىمدار ارقىلى تاۋارلار مەن قىزمەتتەرگە اقى الادى. سونىمەن قاتار اۋدارىمدارعا كوبىنە چەكتەر بەرىلمەيدى.

ەلىمىزدە تولەمدى قولما قول اقشامەن قابىلدايتىن كاسىپكەرلەردىڭ ۇشتەن ءبىرى الماتى (143,8 مىڭ)، استانا (97,2 مىڭ) جانە شىمكەنت (47,2 مىڭ) مەگاپوليستەرىنە تيەسىلى.