ەلىمىزدە تۇڭعىش رەت كارتامەن ەسەپتەسۋ كورسەتكىشى قاعاز اقشانى باسىپ وزدى

  استانا. KAZINFORM - بىلتىر قازاقستاندا QR تولەمدەر 5,3 تريلليون تەڭگەدەن 11,5 تريلليون تەڭگەگە دەيىن وسكەن.

ءسويتىپ، تولەم جاساۋدىڭ بۇل ءتۇرى POS تەرمينالدان دا اسىپ ءتۇستى. دەسە دە، ەسەپ ايىرىسۋدىڭ جاڭا تۇرلەرى دامىعانىنا قاراماستان، ەلدەگى اقشا اينالىمىنىڭ � قولما قول اقشامەن جۇزەگە اسادى. جۋىردا جىل سوڭىنا دەيىن بۇكىل بانككە ورتاق QR- كود پايدا بولاتىنى حابارلاندى. ماسەلەن، دۇكەندە QR- كود ارقىلى تولەم جاساعىڭىز كەلسە، Halyk نەمەسە Kaspi بار ما دەپ سۇراماي-اق، ورتاق QR مەن تولەي بەرەسىزدەر. بۇل تۋرالى Jibek joly تەلەارناسىنىڭ جاڭالىقتارىندا ايتىلدى.

ءتول تەڭگەنىڭ ءتۇرىن ۇمىتا باستاعانىمىز راس. ءتىپتى، قازىر ءاميان ۇستايتىندار دا نەكەن-ساياق. بانكوماتقا اقشا الۋعا باراتىندارعا قاراعاندا، وعان اقشا قۇياتىندار كوپ. بيىل ونلاينداعى قارجى اينالىمى 17,7 تريلليون تەڭگەگە جەتتى. ەلىمىزدە تۇڭعىش رەت كارتامەن ەسەپتەسۋ كورسەتكىشى قاعاز اقشانى باسىپ وزدى. ءبىر جىلدا قول اقشاسىز 1 ميلليارد 200 ميلليون رەت تولەم جاسالعان. بۇل 2018 -جىلعى كورسەتكىشتەن 2 ەسە كوپ. بۇلاي كەتە بەرسە، قازاقستان تسيفرلى ترانزاكتسيا بويىنشا 3-4-جىلدا كانادانى باسىپ وزعالى تۇر. اينالىمداعى اقشانىڭ 90 پايىزى تەلەفونداعى قوسىمشالار ارقىلى جۇمسالادى. ال، قالعانى POS- تەرمينالدارمەن جۇرگىزىلەدى. ۇلتتىق بانك مالىمەتىنشە قولما- قول اقشا قازىر تەك بانكوماتتارعا سالىنادى.

دەسە دە، 19 ميلليون 700 مىڭ قازاقستاندىقتىڭ بانك كارتاسى بار. ءبىر ەمەس بىرنەشە كارتا ۇستايتىندار جەتەدى. جالپى، كارتا سانى ەلدە 79 ميلليون دانا. كەڭىنەن تارالعان ءتۇرى دەبەتتىك كارتالار. ولاردىڭ ۇلەسى 80 پايىزعا جەتتى. ەكىنشى ورىنداعى كرەديتتىك كارتا ۇلەسى 15,8 پايىز. قازاقستاندىقتار بيىل شەتەلدە كارتا ارقىلى 162 ميلليون رەت تولەم جاساعان. ونىڭ اينالىمى 2,5 تريلليون تەڭگە.

ايتا كەتۋ كەرەك، ا ق ش- تاعى سايلاۋدان كەيىن دوللار باعامى نىعايا ءتۇستى. بۇگىن ايىرباس پۋنكتتەرىندە ءبىر دوللار 502 تەڭگەگە ساۋدالانىپ جاتىر.