ەلىمىزدە تاسقىن سۋ قايدا جىبەرىلىپ جاتىر

استانا. KAZINFORM - سۋ رەسۋرستارى جانە يرريگاتسيا مينيسترلىگى وڭىرلەردەگى تاسقىن سۋدىڭ قالاي يگەرىلىپ جاتقانىن مالىمدەدى.

«قازسۋشار» مەكەمەسىنىڭ اتىراۋ وبلىسى بويىنشا فيليالى جايىق وزەنى ارقىلى كەلەتىن تاسقىن سۋدى كاسپي تەڭىزىنە باعىتتاۋ ءۇشىن قوسىمشا 14,5 شاقىرىم كانال قازىپ جاتىر. بۇل اتىراۋ قالاسى ارقىلى وتەتىن سۋ كولەمىن ازايتۋعا مۇمكىندىك بەرەدى. باتىس قازاقستان وبلىسى بويىنشا «قازسۋشار» فيليالى جايىق-كوشىم سۋارۋ جۇيەسىنەن قامىس-سامار كولدەرىنە اعىن سۋدى جىبەرە باستادى. ايتا كەتۋ كەرەك، بۇل كولدەرگە سوڭعى 20 جىلدا سۋ بارماعان»، - دەدى مينيسترلىكتىڭ رەسمي وكىلى ءمولدىر ابدۋاليەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

رەسمي وكىلدىڭ مالىمدەۋىنشە، 2000-جىلدان بەرى العاش رەت توبىل وزەنىنە (قوستاناي وبلىسى) سۋدىڭ كوپ كەلگەنى بايقالدى. وزەن � عا تولعان، بۇل وسىعان دەيىنگى جىلدارمەن سالىستىرعاندا الدەقايدا ارتىق. وسى ورايدا سۋ قويمالارى ۇزاق ۋاقىت بويى ايماق تۇرعىندارىن قاجەتتى مولشەردە سۋمەن قامتاماسىز ەتپەك.

«استانا سۋ قويماسى ەلوردا تۇرعىندارىن اۋىزسۋمەن قامتۋعا مۇمكىندىك بەرەدى. بىلتىر قويماداعى سۋ كولەمى جەتىسپەدى، وسىعان بايلانىستى ساتبايەۆ كانالىنان قوسىمشا سۋ جىبەرىلدى. بۇل جۇمىس قىمباتقا ءتۇستى (2 ميلليارد تەڭگە). اقمولا وبلىسىنداعى «الۆا» جانە «كەڭبيدايىق» سۋارۋ جۇيەلەرى 0 عا تولدى. سونداي-اق، سەلينوگراد اۋدانىنىڭ قوزىكوش، مۇقىر جانە قاراسۋ وزەندەرىنىڭ ارناسى دا تولدى. قورعالجىن قورىعىنىڭ تەڭىز كولىنە 1,5 ميلليارد تەكشە مەتر سۋ جىبەرىلدى»، - دەيدى ول.

سونىمەن قاتار ءمولدىر ابدۋاليەۆا تاعى بىرنەشە وبلىستاعى سۋ تاسقىنى جاعدايىنا جەكە توقتالدى.

باتىس قازاقستان وبلىسى

جايىق وزەنىنەن شامامەن 1 تەكشە شاقىرىم اعىن سۋدى جايىق-كوشىم سۋارۋ جۇيەسىنە جىبەرۋدىڭ مۇمكىندىگى تۋدى.

قاراعاندى وبلىسى

وڭىردەگى سۋ قويمالارى 0 تولعان. جينالعان سۋ جىل بويى ايماق ەكونوميكاسىنىڭ قاجەتتىلىكتەرىن تولىق قاناعاتتاندىرۋعا مۇمكىندىك بەرەدى.

ۇلىتاۋ وبلىسى

كەڭگىر سۋ قويماسىنان العاش رەت سارىسۋ وزەنى ارقىلى قىزىلوردا وبلىسىنىڭ كولدەرىنە سۋ جىبەرىلدى. قىزىلوردا وبلىسىنىڭ تەلىكول كولدەر جۇيەسىندە سۋدىڭ جوعارىلاۋى بايقالادى، بۇل ءوڭىردىڭ اۋىل شارۋاشىلىعىنا قولايلى اسەر ەتۋى ءتيىس.

الماتى وبلىسى

قاپشاعاي سۋ قويماسىنا ترانسشەكارالىق ىلە وزەنىنەن كەلگەن سۋ اعىنى بالقاش كولىنە شامامەن 2,3 تەكشە شاقىرىم كولەمىندە ەكولوگيا ءۇشىن سۋ جىبەرۋدى قامتاماسىز ەتتى.

جامبىل وبلىسى

تاسوتكەل سۋ قويماسىنان شۋ وزەنىنە ەكولوگيا ءۇشىن سۋ جىبەرىلدى. بۇل سۋ ءساۋىردىڭ باسىندا تۇركىستان وبلىسى سوزاق اۋدانىنا جەتتى. تاسوتكەل سۋ قويماسىنان سۋ جىبەرۋ جۇمىستارى 1-مامىرعا دەيىن جالعاسادى. وسى ۋاقىت ىشىندە شۋ وزەنى ارقىلى سوزاق اۋدانىنا شامامەن 1 ميلليون تەكشە مەتر سۋ جىبەرىلۋى ءتيىس.

پاۆلودار وبلىسى

10-ساۋىردەن باستاپ ەرتىس وزەنىنىڭ سۋ قويمالارىنان تابيعاتتى قورعاۋ ءىس-شارالارىنا سۋ جىبەرىلە باستادى. بۇل پاۆلودار وبلىسىنىڭ اۋىل شارۋاشىلىعىنا قاجەتتى جەمشوپ بازاسىمەن قامتاماسىز ەتۋگە مۇمكىندىك بەرەدى. سۋ قويمالارىنان جالپى كولەمى 6,3 ميلليارد تەكشە مەتر سۋ جىبەرۋ جوسپارلانىپ وتىر.