ەلىمىزدە سۋ رەسۋرستارىن رەتتەۋ، قورعاۋ جانە پايدالانۋ جونىندەگى كوميتەت قۇرىلدى
استانا. KAZINFORM -سۋدىڭ «قارا نارىعىمەن» كۇرەستى كۇشەيتۋ ماقساتىندا سۋ رەسۋرستارى جانە يرريگاتسيا مينيسترلىگىندە جاڭا ۆەدومستۆو-سۋ رەسۋرستارىن رەتتەۋ، قورعاۋ جانە پايدالانۋ كوميتەتى قۇرىلدى.
مينيسترلىكتىڭ مالىمەتىنشە، جاڭا كوميتەت سۋدى زاڭسىز پايدالانۋمەن جانە ونى ەسەپكە الۋ دەرەكتەرىنىڭ بۇرمالانۋىمەن، سونداي-اق ەلىمىزدىڭ سۋ نىساندارىنداعى قۇقىققا قايشى شارۋاشىلىق قىزمەتپەن كۇرەسەدى.
«مينيسترلىك سۋدى زاڭسىز پايدالانۋمەن بەلسەندى كۇرەس ءىس-شارالارىن قولعا الدى. بۇل ماسەلە ەرەكشە باقىلاۋدا. جاڭا كوميتەتتىڭ جۇمىسى قۇقىق بۇزۋشىلىقتاردىڭ الدىن الۋعا جانە ەلىمىزدىڭ سۋ رەسۋرستارىن قورعاۋعا باعىتتالعان. بۇل جۇمىستار زاڭناماعا ەنگىزىلەتىن وزگەرىستەرمەن بىرگە سۋدىڭ «قارا نارىعىنا» قارسى كۇرەستى ەداۋىر كۇشەيتۋى ءتيىس»، - دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.