ەلىمىزدە سۋ باسقان جولداردى قالاي اينالىپ وتۋگە بولادى

 استانا. KAZINFORM - قازىر 2 وبلىستا ۇزىندىعى 4300 مەتر جولدى سۋ باستى جانە 4 وبلىستا جول قوزعالىسىنا شەكتەۋ قويىلدى. تولىعىراق «قازاۆتوجول» ۇلتتىق كومپانياسىنىڭ باسپا ءسوز حاتشىسى ساكەن دىلداحمەت ايتىپ بەردى.

«بۇگىن ساعات 14:00 جاعداي بويىنشا حالىقارالىق جانە رەسپۋبليكالىق ماڭىزى بار اۆتوموبيل جولدارىندا اۋا رايىنىڭ جىلىنۋى مەن قاردىڭ تەز ەرۋى سالدارىنان 2 وبلىستاعى (قوستاناي، س ق و) 4 جول ۋچاسكەسىندە جالپى ۇزىندىعى 4300 مەتر جولدى سۋ باستى. سونىمەن قاتار اقتوبە، اتىراۋ، قوستاناي جانە س ق و- دا رەسپۋبليكالىق ماڭىزى بار 8 اۆتوموبيل جولىندا (ۇزىندىعى 463 ك م) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى»، - دەدى ساكەن دىلداحمەت و ك ق- دە وتكەن بريفينگىگە ZOOM پلاتفورماسى ارقىلى قاتىسا وتىرىپ.

ەل اۋماعىنداعى كولىك قوزعالىسىنا شەكتەۋ قويىلعان جول ۋچاسكەلەرى:

اقتوبە وبلىسى

- «قاندىاعاش - ەمبى - شالقار - ىرعىز» تاس جولىنىڭ 3-92 شاقىرىمى.

(جابىق ۋچاسكەنى «قاندىاعاش- تەمىر- كەڭقياق- جاعابۇلاق- جەم» اۋداندىق تاس جولىنىڭ 235 شاقىرىمى ارقىلى اينالىپ ءوتۋ ۇسىنىلىپ وتىر).

اتىراۋ وبلىسى

- «مۇقىر - قۇلسارى» تاس جولىنىڭ 0-136 شاقىرىمى. (جابىق ۋچاسكەنى «اقتوبە- اتىراۋ- رف شەكاراسى» تاس جولىنىڭ 377-512 شاقىرى جانە «دوسسور- قۇلسارى- بەينەۋ- سايتوتەس- شەتپە- جەتىباي- اقتاۋ» تاس جولىنىڭ 3-120 شاقىرىمى ارقىلى اينالىپ ءوتۋ ۇسىنىلدى).

قوستاناي وبلىسى

- «مارينوۆكا اۋىلىنا كىرەبەرىس» تاس جولىنىڭ 0-9 شاقىرىمى؛

- «ەكاتەرينبۋرگ- الماتى» تاس جولىنىڭ 555-729 شاقىرىمى.

(جابىق ۋچاسكەلەردى «دەنيسوۆكا- ءجىتىقارا» تاس جولىنىڭ 137 شاقىرىمى ارقىلى اينالىپ ءوتۋ ۇسىنىلادى).

سولتۇستىك قازاقستان وبلىسى

- «جەزقازعان- پەتروپاۆل» تاس جولىنىڭ 869-875 شاقىرىمى؛

- «چەليابينسك- نوۆوسيبيرسك» تاس جولىنىڭ 525-530 شاقىرىمى؛

- «پەتروپاۆل قالاسىن اينالىپ ءوتۋ جولى» تاس جولىنىڭ 3-8 شاقىرىمى؛

- «ەكاتەرينبۋرگ - الماتى» تاس جولىنىڭ 729-768 شاقىرىمى.

جابىق جول ۋچاسكەلەرىن تيميريازيەۆ، شال اقىن، ع. مۇسىرەپوۆ اۋداندارىنىڭ تۇرعىندارى وبلىس ورتالىعىنا دەيىن جەتۋ ءۇشىن «ۆولوشينكا- سەرگەيەۆكا- تيميريازيەۆو» رەسپۋبليكالىق ماڭىزى بار تاس جول ارقىلى ءجۇرىپ، ارى قاراي ر-61 «ۆولوشينكا- كورنەيەۆكا- روشينسكوە» تاس جولىنا ءتۇسىپ، ول جاقتان كت-29 «پوكروۆكا- كورنەيەۆكا- گورنوە» تاس جولىمەن ا-16 «جەزقازعان- پەتروپاۆل» جولى ارقىلى قالاعا جەتە الادى.

«جەزقازعان- پەتروپاۆل» تاس جولىنىڭ 954-952 شاقىرىمى ۋچاسكەسىندە ۇلكەن جۇك كولىكتەر ءۇشىن قوزعالىس پوليتسيا قىزمەتكەرلەرىنىڭ كومەگىمەن قامتاماسىز ەتىلۋدە.

مامليۋتكا، جامبىل اۋداندارىندا تۇرعىنداردىڭ ر-57 «نوۆوكامەنكا- پەتەرفەلد» رەسپۋبليكالىق ماڭىزى بار تاس جولى ارقىلى قالاعا جەتۋ مۇمكىندىگى بار.