ەلىمىزدە رەسمي تىركەلگەن جۇمىسسىزدار سانى قانشا

استانا. KAZINFORM - ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ەلىمىزدە كىمدەر جۇمىسسىز دەپ سانالمايتىنىن ءتۇسىندىردى.

بۇگىن ماجىلىستە كادرلىق الەۋەتتى نىعايتۋ تاقىرىبىندا وتكەن ۇكىمەت ساعاتىنان كەيىن تىلشىلەر مينيستردەن قازاقستان بويىنشا جۇمىسسىزدار تىزىمىندە تۇرعان ادامداردىڭ سانى تۋرالى سۇرادى.

«ءبىزدىڭ ورگانداردا تىزىمدە تۇرعانداردىڭ سانى 321 ادامدى قۇرادى. 8-ساناتقا ەنگەندەر جۇمىسپەن قامتىلعان دەپ ەسەپتەلەدى. ياعني جالدامالى جۇمىستاعىلار، جەكە كاسىپكەرلىگى بارلار، اكسيونەرلىك قوعام اشقاندار جانە جەكە شارۋاشىلىلىقتا قىزمەت ەتىپ جۇرگەندەر، سونداي-اق تاۋەلسىز جۇمىسشى اتانعاندار جۇمىسسىز دەپ سانالمايدى. ەگەر ءوزىنىڭ ەڭبەگى ءۇشىن اقى الىپ جۇرسە، بۇل ادامدار جۇمىسسىز دەپ ەسەپتەلمەيدى»، - دەدى س. جاقىپوۆا.

ونىڭ ايتۋىنشا، ەلىمىز بويىنشا 2,5 ميلليون ادام الەۋمەتتىك مارتەبەسىن كورسەتپەگەن.

«184 مىڭ وتباسى تۇرعىلىقتى ءۇيىن تىركەمەگەن، سونداي-اق جۇمىسىن ناقتى بەلگىلەمەگەن. دەگەنمەن ولاردىڭ اراسىندا ءومىر ءسۇرۋ جاعدايى جاقسى ادامدار بارشىلىق»، - دەدى مينيستر.

بۇدان بۇرىن حابارلانعانداي، ق ر پارلامەنتى ءماجىلىسى ءتوراعاسىنىڭ ورىنباسارى دانيا ەسپايەۆانىڭ ايتۋىنشا، تەحنيكالىق جانە كاسىپتىك ءبىلىم بەرۋدى رەفورمالاۋ ارقىلى جۇمىسشى كاسىپتەردىڭ بەدەلىن ارتتىرۋ قاجەت. سەبەبى قازىرگى كەزدە كاسىپتىك-تەحنيكالىق ءبىلىمى بار ماماندىقتارعا دەگەن سۇرانىس جوعارى ءبىلىمدى تۇلەكتەرگە دەگەن قاجەتتىلىكتەن 70 پايىزعا ارتىق.